കണ്ടെയ്നർ ലോറിയും സ്വകാര്യ ബസും കൂട്ടിയിടിച്ചു; ഒമ്പതുപേർക്ക് ദാരുണാന്ത്യം
ബംഗളൂരു: കർണാടകയിലെ ചിത്രദുർഗയിൽ കണ്ടെയ്നർ ലോറിയും സ്വകാര്യ ബസും കൂട്ടിയിടിച്ച് ഉണ്ടായ ദാരുണമായ അപകടത്തിൽ ഒമ്പത് പേർ മരിച്ചു.
ഇന്ന് പുലർച്ചെ 2.30ഓടെയാണ് സംഭവം. ബംഗളൂരുവിൽ നിന്ന് ഗോകർണത്തേക്ക് പോവുകയായിരുന്ന സ്ലീപ്പർ കോച്ച് ബസാണ് അപകടത്തിൽപ്പെട്ടത്.
ബസിൽ 29 യാത്രക്കാർ ഉണ്ടായിരുന്നുവെന്നാണ് പ്രാഥമിക വിവരം.
ലോറി സെൻട്രൽ ഡിവൈഡർ മറികടന്ന് എതിർദിശയിൽ എത്തിയ ബസിൽ ഇടിക്കുകയായിരുന്നു.
ഇടിയുടെ ആഘാതത്തിൽ ബസിന് തീപിടിക്കുകയും നിരവധി യാത്രക്കാർ അകത്ത് കുടുങ്ങുകയും ചെയ്തു. ബസ് പൂർണമായും കത്തിനശിച്ചു.
ബസിലുണ്ടായിരുന്ന ഏഴ് പേർ ചാടി രക്ഷപ്പെടാൻ സാധിച്ചു.
പരിക്കേറ്റവരെ സമീപത്തെ ആശുപത്രികളിൽ പ്രവേശിപ്പിച്ചിട്ടുണ്ട്.
ഗുരുതരമായി പരിക്കേറ്റവരുള്ളതിനാൽ മരണസംഖ്യ ഉയരാൻ സാധ്യതയുണ്ടെന്ന് അധികൃതർ അറിയിച്ചു.
ലോറി ഡ്രൈവറുടെ അശ്രദ്ധയാണ് അപകടത്തിന് കാരണമെന്നാണ് പ്രാഥമിക നിഗമനം. പൊലീസ് അന്വേഷണം ആരംഭിച്ചിട്ടുണ്ട്.
English Summary
Nine people were killed in a tragic accident involving a container lorry and a private bus in Chitradurga, Karnataka, early this morning. The accident occurred around 2.30 am when a sleeper coach bus travelling from Bengaluru to Gokarna was hit by a lorry that crossed the central divider. The bus caught fire following the collision, trapping several passengers inside. Seven passengers managed to jump out and survive. The injured have been hospitalised, and officials warn that the death toll may rise. Driver negligence is suspected to be the cause.
Chitradurga-bus-lorry-accident-nine-dead
Chitradurga accident, Karnataka road accident, bus lorry collision, sleeper coach fire, Bengaluru Gokarna bus, breaking news, India accident news
