ചുഴലിക്കാറ്റിന്റെ ഭീതിയോടെ ചെന്നൈ നഗരത്തിൽ അതീവ ജാഗ്രത പ്രഖ്യാപിച്ചു. സുരക്ഷ ഉറപ്പാക്കുന്നതിനായി, ചെന്നൈയിൽ നിന്ന് പുറപ്പെടേണ്ട 16 വിമാന സർവീസുകൾ താത്കാലികമായി റദ്ദാക്കിയതായി ഇൻഡിഗോ അറിയിച്ചു. ഇന്ന് രാവിലെ 8.10-ന് പുറപ്പെടേണ്ട അബുദാബി വിമാനം ബെംഗളൂരുവിലേക്ക് തിരിച്ചു അയച്ചതായി റിപ്പോർട്ട് ചെയ്യുന്നു. Chennai city under threat of cyclone
വിമാനങ്ങൾ റദ്ദാക്കിയതോടൊപ്പം, കാറുകളുമായി പുറത്തിറങ്ങിയ ആളുകൾ ഫ്‌ളൈഓവറുകളിൽ വാഹനങ്ങൾ നിർത്തിയതായി വിവരമുണ്ട്. ചുഴലിക്കാറ്റിന്റെ മുന്നറിയിപ്പ് നിലനിൽക്കുന്നതിനാൽ, ചെന്നൈയുടെ വിവിധ ഭാഗങ്ങളിൽ കനത്ത മഴ തുടരുകയാണ്. ചെന്നൈ, ചെങ്കൽപ്പട്ടണം, കാഞ്ചീപുരം, തിരുവള്ളൂർ, വിഴുപുരം, കള്ളക്കുറിച്ചി, കടലൂർ ജില്ലകളിൽ റെഡ് അലേർട്ട് പ്രഖ്യാപിച്ചിട്ടുണ്ട്.
ചെന്നൈയിൽ നിന്ന് 260 കിലോമീറ്റർ അകലെയുള്ള ‘ഫെൻഗൽ’ ചുഴലിക്കാറ്റ് കരത്തൊടുമ്പോൾ 90 കിലോമീറ്റർ വേഗതയിൽ എത്തുമെന്ന് അറിയിച്ചിട്ടുണ്ട്. ന്യൂനമർദം ചുഴലിക്കാറ്റായി മാറുന്നില്ല, എന്നാൽ തീവ്ര ന്യൂനമർദമായി കരയിൽ കടക്കുമെന്ന് വ്യാഴാഴ്ച അറിയിച്ചിരുന്നു.
