കൂട്ടബലാത്സംഗത്തിന് കടുത്ത ശിക്ഷ; യുവാക്കൾക്ക് 75 വർഷം ജയിൽ
ആലപ്പുഴ: ആലപ്പുഴ ചാരുംമൂടിൽ പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗം ചെയ്ത കേസിൽ രണ്ട് പ്രതികൾക്ക് 75 വർഷം കഠിന തടവും 4,75,000 രൂപ വീതം പിഴയും ശിക്ഷ വിധിച്ചു.
ചെങ്ങന്നൂർ ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി ആർ. സുരേഷ് കുമാർ ആണ് വിധി പ്രസ്താവിച്ചത്.
ശിക്ഷിക്കപ്പെട്ട പ്രതികൾ
- അനന്തു (23) – പാലമേൽ ഉളവക്കാട് മുറിയിൽ വന്മേലിൽ വീട്
- അമൽ കുമാർ (21) – നൂറനാട് പുലിമേൽ കമ്പിളിവിളയിൽ വീട്
പ്രതികൾ ചേർന്ന് പ്രായപൂർത്തിയാകാത്ത അതിജീവിതയെ കൂട്ടബലാത്സംഗം ചെയ്തെന്നാണ് കോടതി കണ്ടെത്തിയത്.
പോക്സോ കേസിൽ കുറ്റപത്രം
നൂറനാട് പൊലീസ് രജിസ്റ്റർ ചെയ്ത പോക്സോ കേസിലാണ് പ്രതികൾ ശിക്ഷിക്കപ്പെട്ടത്.
സബ് ഇൻസ്പക്ടർ നിതീഷ് കേസ് രജിസ്റ്റർ ചെയ്തതിനു ശേഷം, ഡിവൈഎസ്പിമാരായ കെ.എൻ. രാജേഷ്, എം.കെ. ബിനുകുമാർ എന്നിവർ ചേർന്നാണ് അന്വേഷണം പൂർത്തിയാക്കി കുറ്റപത്രം സമർപ്പിച്ചത്.
പ്രോസിക്യൂഷൻ വാദം
പ്രോസിക്യൂഷനു വേണ്ടി സ്പെഷ്യൽ പബ്ലിക് പ്രോസിക്യൂട്ടർ കെ.ആർ. രാജേഷ് കുമാർ ഹാജരായി.
എസ്ഐ നിസ്സാം, എഎസ്ഐ ടി.ആർ. ദീപ, സിവിൽ പൊലീസ് ഓഫീസർ മനു എന്നിവർ നടപടികൾ ഏകോപിപ്പിച്ചു.
English Summary:
A fast-track special court in Chengannur sentenced two men to 75 years of rigorous imprisonment and fined them ₹4.75 lakh each for the gang rape of a minor girl in Charummood, Alappuzha. The conviction was based on a POCSO case registered and investigated by Nooranad police.
