തിരുവനന്തപുരം: സംസ്ഥാനത്ത് ഇന്ന് വ്യാപക മഴയ്ക്ക് സാധ്യതയെന്ന് മുന്നറിയിപ്പ്. വടക്കന് ജില്ലകളില് മഴ കനക്കും. ഉത്തരകേരളത്തിലെ അഞ്ചു ജില്ലകളില് തീവ്രമഴ മുന്നറിയിപ്പാണ് കേന്ദ്ര കാലാവസ്ഥ വകുപ്പ് പുറപ്പെടുവിച്ചിട്ടുള്ളത്.Change in rain warning in the state
കാസര്കോട്, കണ്ണൂര്, വയനാട്, മലപ്പുറം, കോഴിക്കോട് ജില്ലകളിലാണ് ഓറഞ്ച് അലര്ട്ട് പുറപ്പെടുവിച്ചത്. പാലക്കാട് മുതല് തിരുവനന്തപുരം വരെ ശേഷിക്കുന്ന ഒമ്പതു ജില്ലകളിലും യെല്ലോ അലര്ട്ടും പുറപ്പെടുവിച്ചിട്ടുണ്ട്.
ഒറ്റപ്പെട്ടയിടങ്ങളില് മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ട്.
വടക്കന് ഛത്തീസ്ഗഡിന് മുകളില് ചക്രവാതച്ചുഴി നിലനില്ക്കുന്നതും, വടക്കന് കേരള തീരം മുതല് തെക്കന് ഗുജറാത്ത് തീരം വരെ ന്യൂനമര്ദപാത്തി സ്ഥിതിചെയ്യുന്നതുമാണ് മഴ ശക്തമാകാന് കാരണം.
കനത്ത മഴയെത്തുടര്ന്ന് വടക്കന് കേരളത്തിലെ മലയോരമേഖലകളില് വ്യാപകനാശനഷ്ടമാണ് ഉണ്ടായിട്ടുള്ളത്
