ആംബുലന്സ് റോഡിലെ ഗട്ടറില് ചാടി, മസ്തിഷ്ക മരണം സംഭവിച്ച വീട്ടമ്മ കണ്ണു തുറന്നു, പുതുജീവന്
ലഖ്നൗ: ജീവിതം എപ്പോള് എങ്ങനെ മാറുമെന്നത് പ്രവചിക്കാന് പറ്റാത്തതാണെന്ന് പറയുന്ന ഒരു സംഭവമാണ് ഉത്തര്പ്രദേശില് നിന്ന് റിപ്പോര്ട്ട് ചെയ്യുന്നത്.
മസ്തിഷ്ക മരണം സംഭവിച്ചെന്ന് ഡോക്ടര്മാര് അറിയിച്ച 50 വയസ്സുകാരി, സംസ്കാരത്തിനായി വീട്ടിലേക്ക് കൊണ്ടുപോകുന്നതിനിടെ വീണ്ടും ജീവന് വീണ്ടെടുത്തു.
ബറേലിയിലെ ആശുപത്രിയിലെ ഡോക്ടര്മാരാണ് വിനീത ശുക്ല മരിച്ചതായി കുടുംബത്തെ അറിയിച്ചത്. തുടര്ന്ന് ഭര്ത്താവ് കുല്ദീപ് കുമാര് ശുക്ലയുടെ നേതൃത്വത്തില് ആംബുലന്സില് വിനീതയെ വീട്ടിലേക്ക് കൊണ്ടുപോകുകയായിരുന്നു.
ഇതിനിടെ സംസ്കാര ചടങ്ങുകള്ക്കായുള്ള ഒരുക്കങ്ങള് ബന്ധുക്കള്ക്ക് ആരംഭിക്കാനും കുടുംബം അറിയിച്ചിരുന്നു.
ദേശീയപാതയിലെ കുഴികള് നിറഞ്ഞ ഭാഗം കടന്നുപോകുന്നതിനിടെ ആംബുലന്സ് വലിയൊരു കുഴിയില് വീണ് ശക്തമായി കുലുങ്ങി. അതിന്റെ പിന്നാലെയാണ് ശ്വാസം നിലച്ചതായി കരുതിയിരുന്ന വിനീത പെട്ടെന്ന് സ്വാഭാവികമായി ശ്വസിക്കാന് തുടങ്ങിയത്.
സംഭവം കണ്ട ഉടനെ കുടുംബാംഗങ്ങള് ആംബുലന്സ് തിരിച്ചുവിട്ട് ആശുപത്രിയിലെത്തിച്ചു. സംസ്കാര ചടങ്ങുകള് നിര്ത്തിവെയ്ക്കാനും ബന്ധുക്കളോട് അറിയിച്ചു.
പിന്നീട് തീവ്രപരിചരണ വിഭാഗത്തില് ചികിത്സ നല്കിയതിനെ തുടര്ന്ന് വിനീത പൂര്ണ ആരോഗ്യവതിയായി തിങ്കളാഴ്ച വീട്ടിലേക്ക് മടങ്ങിയതായാണ് റിപ്പോര്ട്ട്.
പിലിഭിത്തിലെ ജുഡീഷ്യല് കോടതിയില് സീനിയര് അസിസ്റ്റന്റായി ജോലി ചെയ്യുന്ന വിനീത ഫെബ്രുവരി 22ന് വീട്ടുജോലികള് ചെയ്യുന്നതിനിടെയാണ് ബോധരഹിതയായി വീണത്.
ആദ്യം പിലിഭിത് മെഡിക്കല് കോളജില് പ്രവേശിപ്പിച്ചെങ്കിലും പിന്നീട് വിദഗ്ധ ചികിത്സയ്ക്കായി ബറേലിയിലെ ആശുപത്രിയിലേക്ക് മാറ്റിയിരുന്നു.
English Summary
In a surprising incident from Uttar Pradesh, a 50-year-old woman who was declared brain dead by doctors reportedly came back to life while being taken home for her funeral. The woman, identified as Vineeta Shukla from Pilibhit, was being transported in an ambulance when the vehicle hit a large pothole on the highway. The sudden jolt reportedly caused her to start breathing again. She was immediately taken back to the hospital and admitted to the intensive care unit. After treatment, she recovered and was discharged on Monday. Vineeta works as a senior assistant at the Judicial Court in Pilibhit.
