ഡൽഹി: രാജ്യത്ത് ട്രെയിനിന് നേരെയും ബോംബ് ഭീഷണി. ബിഹാർ സമ്പർക്ക് ക്രാന്തി എക്‌സ്‌പ്രസിനാണ് ഭീഷണി സന്ദേശം എത്തിയത്. എന്നാൽ പരിശോധനയിൽ ഭീഷണി വ്യാജമെന്ന് കണ്ടെത്തി.(Bomb threats on Bihar Sampark Kranti Express train)
ഇന്നലെ വൈകിട്ടോടെയാണ് ഭീഷണി സന്ദേശം ലഭിച്ചത്. യുപിയിലെ ഗോണ്ടയിൽ നിന്ന് ഡൽഹിയിലേക്ക് പോവുകയായിരുന്നു ട്രെയിൻ. ഇതിനിടയിലാണ് ഭീഷണി സന്ദേശം ലഭിച്ചത്. ഇതേ തുടർന്ന് ബോംബ് സ്ക്വാഡ് എത്തി ട്രെയിൻ പരിശോധിച്ചെങ്കിലും ഒന്നും കണ്ടെത്താനായില്ല. പരിശോധനകൾക്ക് ശേഷം ട്രെയിൻ യാത്ര പുനരാരംഭിച്ചു.
നേരത്തെ രാജ്യത്തെ മുന്നൂറോളം വിമാനങ്ങൾക്ക് ബോംബ് ഭീഷണി ലഭിച്ചിരുന്നു. ഇവയ്ക്ക് പുറമെ കേരളത്തിലടക്കമുള്ള ഹോട്ടലുകൾക്ക് നേരെയും വ്യാജ ഭീഷണി സന്ദേശം എത്തിയിരുന്നു.
