കണ്ണൂർ: ചാലക്കരയിൽ ബിജെപി പ്രവര്ത്തകന്റെ വീടിനു നേരെ ബോംബേറ്. ബിജെപി പ്രവര്ത്തകൻ സനൂപിന്റെ വീടിനു നേരെയാണ് ബോംബേറ് ഉണ്ടായത്. റെയിൻ കോട്ട് ധരിച്ചെത്തിയ അക്രമി ബോംബ് എറിയുന്നതിന്റെ സിസിടിവി ദൃശ്യങ്ങള് പുറത്തു വന്നിട്ടുണ്ട്. സംഭവത്തില് സിപിഎം പ്രവര്ത്തകന് അരുണിനെ അറസ്റ്റ് ചെയ്തു.(Bomb attack in kannur)
എറിഞ്ഞത് സ്റ്റീൽ ബോംബാണെന്ന് പൊലീസ് വ്യക്തമാക്കി. കഴിഞ്ഞ ഞായറാഴ്ചയാണ് ബോംബേറുണ്ടായത്. വീട്ടിൽ ആളില്ലാതിരുന്നതിനാൽ അപകടം ഒഴിവായി എന്നാൽ വീടിന് കേടുപാടുകളുണ്ടായിട്ടുണ്ട്. പ്രദേശത്ത് ലോക്സഭാ തെരഞ്ഞെടുപ്പ് ഫലം വന്ന ശേഷം സംഘർഷാവസ്ഥ നിലനിൽക്കുന്നുണ്ട്. രണ്ട് ദിവസം മുമ്പ് രണ്ട് സിപിഎം പ്രവർത്തകർക്ക് വെട്ടേറ്റിരുന്നു. ഈ കേസിൽ നാല് ബിജെപി പ്രവർത്തകരെ അറസ്റ്റ് ചെയ്തിരുന്നു.
Read Also: ഇനി സഞ്ജു ഇന്ത്യയിൽ വാഹനം ഓടിക്കില്ല; ലൈസൻസ് റദ്ദാക്കി മോട്ടോർ വാഹന വകുപ്പ്
