അവിഹിതബന്ധമെന്ന് സംശയം; ഭാര്യയെ കല്ലുകൊണ്ട് തലയ്ക്കടിച്ച് കൊന്ന് ഭർത്താവ്
ബെംഗളൂരു: ബെംഗളൂരുവിലെ കഗ്ഗാലിപുര പൊലീസ് സ്റ്റേഷൻ പരിധിയിലെ കുല്ലെഗൗഡനപാലയത്തിൽ ഭാര്യയ്ക്ക് അവിഹിതബന്ധമെന്ന് സംശയിച്ച് ഭാര്യയെ ദാരുണമായി തലയ്ക്കടിച്ച് കൊന്ന് ഭർത്താവ്.
സിഞ്ചന എന്ന 21-കാരിയാണ് ഭർത്താവിന്റെ ആക്രമണത്തിൽ കൊല്ലപ്പെട്ടത്. സംഭവസ്ഥലത്ത് വെച്ച് തന്നെ മരണം സംഭവിച്ചതായി പൊലീസ് അറിയിച്ചു.
കുവൈത്തിൽ റോഡുകളിൽ കർശന നിരീക്ഷണം; 44 പേർ തടങ്കലിൽ, 10 കുട്ടികൾ ജുവനൈൽ കോടതിയിൽ
ബന്ധത്തെക്കുറിച്ചുള്ള സംശയം; കല്ലെടുത്ത് തലയിൽ അടിച്ചു
ഭാര്യയ്ക്ക് മറ്റൊരാളുമായി ബന്ധമുണ്ടെന്ന സംശയമാണ് ഭർത്താവ് രേണുകയ്യയെ പ്രകോപിപ്പിച്ചതെന്ന് പൊലീസ് പറയുന്നു. ഇതേച്ചൊല്ലി ഇരുവരും ഇടയ്ക്കിടെ തർക്കത്തിലായിരുന്നു.
വെള്ളിയാഴ്ച മദ്യപിച്ച് വീട്ടിലെത്തിയ രേണുകയ്യ വഴക്കിനിടെ വീടിന് മുന്നിൽ കിടന്നിരുന്ന കല്ലെടുത്ത് സിഞ്ചനയുടെ തലയ്ക്കടിക്കുകയായിരുന്നു.
പ്രതി ഒളിവിൽ
സംഭവത്തിന് പിന്നാലെ രേണുകയ്യ സ്ഥലത്തുനിന്ന് രക്ഷപ്പെട്ടു. പൊലീസ് കേസെടുത്ത് പ്രതിക്കായി തിരച്ചിൽ ആരംഭിച്ചു. മൃതദേഹം പോസ്റ്റ്മോർട്ടത്തിനായി മാറ്റി.
English Summary:
A 21-year-old woman, Sinchana, was allegedly killed by her husband in Bengaluru over suspicions of an extramarital affair. Police said the accused, Renukayya, attacked her with a stone after a quarrel on Friday night. The victim died on the spot. The accused has fled, and police have launched a search operation.
