വീണ്ടും പൊലീസ് എൻകൗണ്ടർ; ഗുണ്ട അഴക് രാജയെ വെടിവച്ച് കൊന്നു
ചെന്നൈ: തമിഴ്നാട്ടിൽ നിരവധി ക്രിമിനൽ കേസുകളിൽ പ്രതിയായ കുപ്രസിദ്ധ ഗുണ്ട അഴകുരാജ പൊലീസ് ഏറ്റുമുട്ടലിൽ കൊല്ലപ്പെട്ടു.
പെരമ്പലൂർ ജില്ലയിലെ തിരുമാന്തുറൈ വനമേഖലയ്ക്ക് സമീപം നടന്ന ഏറ്റുമുട്ടലിലാണ് ഇയാൾക്ക് തലയ്ക്ക് വെടിയേറ്റത്. തുടർന്ന് ആശുപത്രിയിലെത്തിച്ചെങ്കിലും മരണം സ്ഥിരീകരിച്ചു.
ഇന്നലെ രാത്രി ഊട്ടിയിൽ ഒളിവിൽ കഴിഞ്ഞിരുന്ന അഴകുരാജ ഉൾപ്പെടെ ഏഴ് പേരെയാണ് മംഗലമേട് ഇൻസ്പെക്ടർ നന്ദകുമാറിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.
തുടർന്ന് വനമേഖലയിൽ ഒളിപ്പിച്ചിരുന്ന ആയുധങ്ങളും സ്ഫോടകവസ്തുക്കളും കണ്ടെടുക്കുന്നതിനായി പ്രതികളെ സ്ഥലത്തെത്തിച്ചു.
ഈ സമയത്ത് അഴകുരാജ വെട്ടുകത്തി ഉപയോഗിച്ച് പൊലീസിനെ ആക്രമിക്കാൻ ശ്രമിച്ചതോടെയാണ് സ്വയംരക്ഷയ്ക്കായി വെടിയുതിർക്കേണ്ടി വന്നതെന്ന് പൊലീസ് അറിയിച്ചു.
30ഓളം ക്രിമിനൽ കേസുകളിൽ പ്രതിയായ കാളിമുത്തുവിനെ കുറച്ച് ദിവസങ്ങൾക്ക് മുൻപ് പൊലീസ് അകമ്പടിയോടെ ജയിലിലേക്ക് കൊണ്ടുപോകുന്നതിനിടയിൽ ആക്രമിക്കപ്പെട്ട സംഭവവുമായി ബന്ധപ്പെട്ട അന്വേഷണത്തിലാണ് അഴകുരാജയെ പൊലീസ് പിന്തുടർന്നത്.
ഇയാളെ പിടികൂടുന്നതിനായി പ്രത്യേക അന്വേഷണ സംഘവും രൂപീകരിച്ചിരുന്നു.
തിരുനെൽവേലി ഭാഗത്ത് അഴകുരാജ ഒളിച്ചിരിക്കുന്നതായി ലഭിച്ച രഹസ്യവിവരത്തെ തുടർന്നായിരുന്നു പൊലീസ് തിരച്ചിൽ. കീഴടങ്ങാൻ ആവശ്യപ്പെട്ടെങ്കിലും ഇയാൾ വഴങ്ങാതെ ആക്രമണം തുടരുകയായിരുന്നുവെന്നാണ് പൊലീസ് വിശദീകരണം.
ഏറ്റുമുട്ടലിൽ ഒരു പൊലീസ് ഉദ്യോഗസ്ഥന് പരിക്കേറ്റതായും ഇയാളെ ആശുപത്രിയിൽ പ്രവേശിപ്പിച്ചതായും റിപ്പോർട്ടുണ്ട്. അഴകുരാജക്കെതിരെ കൊലപാതകം, വധശ്രമം, ക്വട്ടേഷൻ ആക്രമണം ഉൾപ്പെടെ മുപ്പതിലധികം കേസുകൾ നിലവിലുണ്ടെന്ന് പൊലീസ് അറിയിച്ചു.
English Summary
Notorious gangster Azhakuraja was killed in a police encounter in Tamil Nadu near the Thirumanthurai forest area in Perambalur district. Police said he opened fire with a machete while they were recovering hidden weapons and explosives, forcing officers to shoot in self-defense. Azhakuraja was wanted in over 30 criminal cases, including murder and attempted murder. One police officer was injured during the encounter and is undergoing treatment.
azhaku-raja-killed-in-police-encounter-tamil-nadu
Azhaku Raja, Tamil Nadu Police Encounter, Gangster Killed, Police Firing, Criminal Cases, Perambalur, Tirumanthurai Forest, Crime News, Encounter Death
