പതിനാറ് വയസിൽ താഴെയുള്ള കുട്ടികളുടെ സോഷ്യൽ മീഡിയ ഉപയോഗം നിരോധിച്ചു; ഇന്ന് മുതൽ പ്രാബല്യത്തിൽ
പതിനാറ് വയസിൽ താഴെയുള്ള കുട്ടികളുടെ സോഷ്യൽ മീഡിയ ഉപയോഗം ഓസ്ട്രേലിയ സർക്കാർ ഔദ്യോഗികമായി നിരോധിച്ചു.
ഇന്ന് മുതൽ പ്രാബല്യത്തിൽ വന്ന പുതിയ നിയമത്തെക്കുറിച്ച് പ്രതികരിച്ച ഓസ്ട്രേലിയൻ പ്രധാനമന്ത്രി ആന്തണി ആൽബനീസ്, “ഇത് അഭിമാന നിമിഷവും അധികാരം വീണ്ടും കുടുംബങ്ങളിലേക്കെത്തുന്ന ദിനവും ആണ്” എന്ന് വീഡിയോ സന്ദേശത്തിൽ പറഞ്ഞു.
ടിക്ടോക്ക്, യൂട്യൂബ്, ഇൻസ്റ്റഗ്രാം, ഫേസ്ബുക്ക് എന്നിവ ഉൾപ്പെടെയുള്ള എല്ലാ പ്രധാന പ്ലാറ്റ്ഫോമുകളോടും 16 വയസ്സിൽ താഴെയുള്ള ഉപയോക്താക്കൾക്ക് പ്രവേശനം പൂർണ്ണമായി വിലക്കണമെന്നതാണ് സർക്കാരിന്റെ നിർദേശം.
കുട്ടികളെ ടെക് ഭീമന്മാരുടെ അതിക്രമ സ്വാധീനത്തിൽ നിന്ന് സംരക്ഷിക്കാനും, അവർ “കുട്ടികളായി തന്നെയിരിക്കാനും” ഈ നിയമം സഹായിക്കുമെന്നാണ് ആൽബനീസ് അഭിപ്രായപ്പെട്ടത്.
മാതാപിതാക്കൾക്ക് കൂടുതൽ മനസ്സമാധാനം നൽകുന്ന തീരുമാനമാണിതെന്നും അദ്ദേഹം കൂട്ടിച്ചേർത്തു.
നിയമം ലംഘിച്ച് 16 വയസ്സിന് താഴെയുള്ള കുട്ടികൾക്ക് സേവനങ്ങൾ തുടരുന്ന സമൂഹമാധ്യമങ്ങൾക്ക് 33 ദശലക്ഷം ഡോളർ വരെ പിഴ ചുമത്തും. ഈ കടുത്ത നടപടിക്ക് ഓസ്ട്രേലിയൻ ജനങ്ങളിൽ നിന്ന് വൻ പിന്തുണയാണ് ലഭിക്കുന്നതെന്ന് റിപ്പോർട്ടുകൾ പറയുന്നു.
രാജ്യത്ത് വലിയ സാമൂഹിക–സാംസ്കാരിക മാറ്റങ്ങൾക്ക് ഈ നിയമം തുടക്കം കുറിക്കുമെന്നും, ഓൺലൈൻ കുറ്റകൃത്യങ്ങളിൽ ഗണ്യമായ കുറവ് വരുമെന്ന് പ്രതീക്ഷിക്കുന്നതായും ആൽബനീസ് വ്യക്തമാക്കി.
കൗമാരക്കാരുടെ മാനസികാരോഗ്യത്തെ സമൂഹമാധ്യമങ്ങൾ പ്രതികൂലമായി ബാധിക്കുന്നുവെന്ന് വിവിധ പഠനങ്ങളിൽ തെളിഞ്ഞതിനാലാണ് സർക്കാർ നിരോധനത്തിലേക്ക് നീങ്ങിയത്.
പുതിയ നിയമങ്ങൾ പാലിക്കുമെന്ന് മസ്കിന്റെ ‘X’ പ്ലാറ്റ്ഫോവും പ്രഖ്യാപിച്ചു. തീരുമാനം തങ്ങളുടെ ഇഷ്ടമല്ലെങ്കിലും നിയമം അനുസരിക്കേണ്ടതുണ്ടെന്ന് പ്ലാറ്റ്ഫോം വ്യക്തമാക്കി.
ഉപയോക്താക്കളുടെ പ്രായം സ്ഥിരീകരിക്കാൻ സെൽഫി അപ്ലോഡും പ്രായം തെളിയിക്കുന്ന രേഖകളും ആവശ്യമായേക്കുമെന്നാണ് റിപ്പോർട്ടുകൾ.
✅ English Summary
Australia has officially banned social media use for children under 16. Prime Minister Anthony Albanese called it a proud moment and said power is being returned to families. Platforms like TikTok, YouTube, Instagram, and Facebook must block access for minors below 16. Violating platforms may face fines up to 33 million USD.
The government expects the decision to reduce online crimes and protect children’s mental health. Elon Musk’s platform X has also confirmed it will comply with the new rules, including age verification using selfies and ID documents.
australia-socialmedia-ban-under16-law
Australia, Social Media Ban, Online Safety, Children Protection, Anthony Albanese, Technology Regulation, TikTok, Instagram, YouTube, Facebook, Elon Musk X, Cyber Safety, Mental Health
