യുകെയിൽ ചൂട് ഇപ്പോൾ കൂടുകയാണ്. കഴിഞ്ഞ ദിവസങ്ങളില് യുകെയുടെ ചില ഭാഗങ്ങളില് ചൂട് ക്രമതീതമായി വർധിച്ച് ഉഷ്ണ തരംഗത്തിനോട് സമാനമായ കാലാവസ്ഥയായിരുന്നു. പലയിടത്തും റെക്കോര്ഡ് താപനില അനുഭവപ്പെടുകയും ചെയ്തു.
ഈ സാഹചര്യത്തിൽ കാറിൽ നിന്നും അത്യാവശ്യമായി മാറ്റേണ്ട ചില കാര്യങ്ങളെക്കുറിച്ച് മുന്നറിയിപ്പ് എത്തിയിരിക്കുകയാണ്. കാറിനും ആരോഗ്യത്തിനും നേരെ ഉയര്ത്തുന്ന വെല്ലുവിളികള് അതിജീവിക്കുന്നതിനായി ഈ നാല് കാര്യങ്ങൾ കാറിൽ നിന്നും അത്യാവശ്യമായി എടുത്തു മാറ്റേണ്ടതാണ്.
സ്മാര്ട്ട് ഫോണുകള്, എം പി 3 പ്ലെയറുകള്, ലാപ്ടോപ് തുടങ്ങിയ ഉപകരണങ്ങൾ കാര് പാര്ക്കിംഗില് ആയിരിക്കുമ്പോള് അതില് വെച്ച് പോകാതിരിക്കുക. കാറിലിരുന്ന് അമിതമായി ചൂടാകുന്ന ഇവ കേടു വരാൻ സാധ്യത ഏറെയാണ്.
കാറിൽ വച്ചിട്ട് പോകാൻ പാടില്ലാത്ത മറ്റൊരു വസ്തു വെള്ളക്കുപ്പിയാണ്. കടുത്ത ചൂടില് നേരിട്ട് സൂര്യപ്രകാശം തട്ടുന്ന രീതിയില് വണ്ടിക്കുള്ളിൽ വച്ചിരിക്കുന്ന വെള്ളക്കുപ്പി അപകടകാരിയാണ്. ചൂടില് വെള്ളം പ്ലാസ്റ്റിക് കുപ്പിയിലെ ചില രാസപദാര്ത്ഥങ്ങള് അലിയിക്കാന് കാരണമായേക്കാം. ഈ വെള്ളം പിന്നീട് കുടിക്കുന്നത് ആരോഗ്യപ്രശ്നങ്ങൾ ഉണ്ടാക്കും.
സണ് ക്രീം കാറില് ഉപേക്ഷിച്ചു പോകുന്നത് സമാനമായ ആരോഗ്യ പ്രശ്നങ്ങള്ക്ക് കാരണമായേക്കും. ചൂടുതട്ടി ഇതിനും രാസമാറ്റം സംഭവിക്കാൻ സാധ്യതയുണ്ട്.
പാരസെറ്റമോള്, വേദന സംഹാരികള് തുടങ്ങിയവയാണ് കാറിൽ സൂക്ഷിക്കാൻ പാടില്ലാത്ത മറ്റൊരു വസ്തു. കനത്ത ചൂടില് കാറിനുള്ളില് ഉപേക്ഷിച്ചു പോയാല് അവയുടെ കാര്യക്ഷമത കുറയും.
