തൃശൂര്: ഇരിങ്ങാലക്കുട കാട്ടൂരില് ഭാര്യയെ വെട്ടിപ്പരുക്കേല്പ്പിച്ച ശേഷം ഭര്ത്താവ് ജീവനൊടുക്കാൻ ശ്രമിച്ചു. കാട്ടൂര് കാറളം ചെമ്മണ്ട സ്വദേശി സാബുവാണ് ഭാര്യ ദീപ്തിയെ വെട്ടിപ്പരുക്കേല്പ്പിച്ചത്. ഇന്ന് രാവിലെയോടെയാണ് ആക്രമണം നടന്നത്. ഇരുവരെയും തൃശൂര് എലൈറ്റ് ആശുപത്രിയില് പ്രവേശിപ്പിച്ചു.
കുടുംബവഴക്കിനെ തുടർന്ന് സാബു ഭാര്യയെ അക്രമിച്ചെന്നാണ് വിവരം. കൈ ഞരമ്പ് മുറിച്ച് ആത്മഹത്യക്ക് ശ്രമിച്ച സാബുവിന്റെ നിലയും ഗുരുതരമാണ്.
