കോഴിക്കോട്: സ്വകാര്യ ബസിനുള്ളിൽ യാത്രക്കാരനെ ആക്രമിച്ച് സഹയാത്രികൻ. പന്തിരാങ്കാവ് – കോഴിക്കോട് റൂട്ടിൽ സർവീസ് നടത്തുന്ന ബസിലാണ് ആക്രമണമുണ്ടായത്. മാങ്കാവ് സ്വദേശി നിഷാദിനാണ് മർദനമേറ്റത്.
നിഷാദിൻ്റെ കഴുത്തുഞെരിച്ച് ശ്വാസം മുട്ടിക്കുകയും ബസ്സിൽ നിന്ന് തള്ളിയിടുകയും ചെയ്തതായാണ് പരാതിയിൽ പറയുന്നത്. നിഷാദിൻ്റെ മൊബൈൽ ഫോൺ നശിപ്പിക്കുകയും 4,500 രൂപ തട്ടിയെടുക്കുകയും ചെയ്തുവെന്നും പരാതി പറയുന്നു.
തോളിൽ കൈ വെച്ചതിലെ തർക്കമാണ് അക്രമണത്തിലേക്ക് നയിച്ചതെന്നാണ് വിവരം. മറ്റൊരു ബസ്സിലെ ഡ്രൈവറാണ് പ്രതിയെന്ന് പൊലീസ് അറിയിച്ചു. കസബ പൊലീസ് പ്രതിയെ കസ്റ്റഡിയിലെടുത്തിട്ടുണ്ട്.
കാറും ഓട്ടോറിക്ഷയും കൂട്ടിയിടിച്ച് ഓട്ടോ ഡ്രൈവര്ക്ക് ദാരുണാന്ത്യം
പുനലൂര്: പുനലൂര്-മൂവാറ്റുപുഴ ഹൈവേയില് കാറും ഓട്ടോറിക്ഷയും കൂട്ടിയിടിച്ച് ഓട്ടോ ഡ്രൈവര് മരിച്ചു. പത്തനാപുരം കടയ്ക്കാമണ് നഗറില് പ്ലോട്ട് നമ്പര് 72-ല് മഹേഷ് (30) ആണ് മരിച്ചത്.
കാര് യാത്രക്കാരന് പുനലൂര് കുതിരച്ചിറ സ്വദേശി ജോമോന് (29) പരിക്കേറ്റു. പുനലൂര് നെല്ലിപ്പള്ളി ജങ്ഷനില് തിരുഹൃദയപള്ളിക്കു മുന്നില് തിങ്കളാഴ്ച വൈകീട്ടാണ് അപകടം.
പത്തനാപുരം ഭാഗത്തുനിന്നും പുനലൂരിലേക്ക്, സ്വകാര്യബസിനെ മറികടന്നുവന്ന കാര് എതിരെവന്ന ഓട്ടോറിക്ഷയിലേയ്ക്ക് ഇടിച്ചുകയറുകയായിരുന്നു.
