അമൃതസര്: സുവര്ണക്ഷേത്രത്തില് ഇരുമ്പുപൈപ്പ് കൊണ്ട് ആക്രമണം. ദര്ശനത്തിനെത്തിയ തീർത്ഥാടകർക്ക് നേരെയാണ് ആക്രമണം ഉണ്ടായത്. ആക്രമണത്തിൽ അഞ്ചുപേർക്ക് പരിക്കേറ്റു. ഇവരിൽ ഒരാളുടെ നില ഗുരുതരമാണ്.
ക്ഷേത്രത്തിലെ സമൂഹ അടുക്കളയായ ഗുരു റാംദാസ് ലാങ്കറിലാണ് ആക്രമണം നടന്നത്. ആക്രമിച്ച ആളെയും ഒപ്പം ഉണ്ടായിരുന്നവരെയും ശിരോമണി ഗുരുദ്വാര പ്രബന്ധക് കമ്മിറ്റി (എസ്ജിപിസി) അംഗങ്ങളെയുമാണ് പോലീസ് പിടികൂടിയത്. സാരമായി പരിക്കേറ്റയാളെ അമൃതസറിലെ ശ്രീ ഗുരു റാം ദാസം ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് പ്രവേശിപ്പിച്ചിരിക്കുകയാണ്.
പരിക്കറ്റവരില് രണ്ടുപേര് ശിരോമണി ഗുരുദ്വാര പ്രബന്ധക് കമ്മിറ്റിയുടെ വളണ്ടിയര്മാരാണ് എന്നാണ് വിവരം. ഭക്തരെ ആക്രമിക്കുന്നതിനു മുമ്പ് പ്രതിയും കൂട്ടാളികളും ക്ഷേത്രപരിസരം മുഴുവന് നീരീക്ഷിച്ചിരുന്നതായി പോലീസ് അറിയിച്ചു.
