മികച്ച സ്കോച്ച് വിസ്ക്കിക്കുള്ള പുരസ്ക്കാരം നേടി ഷാരൂഖ് ഖാന്റെ മകൻ ആര്യൻ ഖാന്റെ നേതൃത്വത്തിലുള്ള D’Yavol . അടുത്തിടെ ന്യൂയോർക്ക് വേൾഡ് സ്പിരിറ്റ്സ് കോംപറ്റീഷൻ 2024-ൽ, ആര്യൻ ഖാന്റെ കമ്പനിയുടെ മുൻനിര വിസ്‌കിയായ INCEPTION-നാണ് ‘ബെസ്റ്റ് ഓഫ് ക്ലാസ്’ ബ്ലെൻഡഡ് മാൾട്ട് സ്കോച്ച് വിസ്‌കിയ്‌ക്കും മറ്റുമുള്ള പുരസ്ക്കാരം നേടിയത്.
ജീവിതത്തിലെ ഏറ്റവും നല്ല കാര്യങ്ങൾ ശ്രദ്ധയോടെയും അഭിനിവേശത്തോടെയും രൂപപ്പെടുത്തി എന്നതിന്റെ തെളിവാണ് ഈ നേട്ടമെന്നാണ് ഷാരൂഖ് ഇതിനെ പറ്റി പറയുന്നത്. രുചി, ഉയർന്ന നിലവാരം എന്നിവ ഉറപ്പിക്കുന്ന മത്സരങ്ങളാണ് ന്യൂയോർക്ക് വേൾഡ് സ്പിരിറ്റ്സ് കോംപറ്റീഷൻ .
ആര്യൻ ഖാൻ ഒറ്റക്കല്ല, ബണ്ടി സിംഗും ലെറ്റി ബ്ലാഗോവയും മദ്യക്കച്ചവടവത്തിൽ പങ്കാളികളാകളാണ്. ഇവർ മൂവരും ചേർന്നാണ് പ്രീമിയം വോഡ്ക ബ്രാൻഡായ D’Yavol വിപണിയിൽ എത്തിച്ചത് . മൂവരും ചേർന്ന് സ്ലാബ് വെഞ്ച്വേഴ്‌സ് എന്ന കമ്പനിയും തുടങ്ങി. ലോകത്തിലെ ഏറ്റവും വലിയ കമ്പനിയായ എ ബി ഇൻ ബെവിന്റെ പ്രാദേശിക ശാഖയാണ് വിതരണം.
