വരാലിനു ശേഷം കണ്ണന്‍ താമരക്കുളം സംവിധാനം ചെയ്യുന്ന ബിഗ് ബഡ്ജറ്റ് ചിത്രം വിരുന്ന് റിലീസിങ്ങിന് ഒരുങ്ങുന്നു. അര്‍ജുന്‍ സര്‍ജയും നിക്കി ഗല്‍റാണിയും ഒന്നിക്കുന്ന ചിത്രം മലയാളത്തിലും തമിഴിലുമായിട്ടാണ് ഒരുങ്ങുന്നത്. നെയ്യാര്‍ ഫിലിംസിന്റെ ബാനറില്‍ ഗിരീഷ് നെയ്യാര്‍ നിര്‍മ്മിക്കുന്ന ചിത്രത്തില്‍ അര്‍ജുനേയും നിക്കി ഗല്‍റാണിയെയും കൂടാതെ മുകേഷും ഗിരീഷ് നെയ്യാറും അജു വര്‍ഗീസും മുഖ്യ വേഷങ്ങളില്‍ എത്തുന്നു.
ബൈജു സന്തോഷ്, ഹരീഷ് പേരടി, ധര്‍മജന്‍ ബോള്‍ഗാട്ടി, സോനാ നായര്‍, മന്‍രാജ്, സുധീര്‍, കൊച്ചുപ്രേമന്‍, പൂജപ്പുര രാധാകൃഷ്ണന്‍, വി കെ ബൈജു, അജയ് വാസുദേവ്, കൊല്ലം ഷാ, ജിബിന്‍ സാബ്, പോള്‍ തടിക്കാരന്‍, എല്‍ദോ, അഡ്വ. ശാസ്തമംഗലം അജിത് കുമാര്‍, രാജ്കുമാര്‍, സനല്‍ കുമാര്‍, അനില്‍ പത്തനംതിട്ട, അരുന്ധതി, ശൈലജ, നാന്‍സി, ജീജാ സുരേന്ദ്രന്‍ തുടങ്ങിയവരാണ് മറ്റു താരങ്ങള്‍.
ഇന്‍വസ്റ്റിഗേഷന്‍ ത്രില്ലര്‍ രീതിയിലാണ് ചിത്രം. കഥ- തിരക്കഥ -സംഭാഷണം: ദിനേശ് പള്ളത്ത്. രവിചന്ദ്രനും പ്രദീപ് നായരുമാണ് കാമറ. സംഗീതം: രതീഷ് വേഗ, സാനന്ദ് ജോര്‍ജ്. പശ്ചാത്തല സംഗീതം: റോണി റാഫെല്‍. എഡിറ്റര്‍: വി ടി ശ്രീജിത്ത്. ആര്‍ട് ഡയറക്ടര്‍: സഹസ് ബാല. മേക്കപ്പ്: പ്രദീപ് രംഗന്‍. കോസ്റ്റ്യൂം: അരുണ്‍ മനോഹര്‍, തമ്പി ആര്യനാട്. പ്രൊഡക്ഷന്‍ ഡിസൈനര്‍: ബാദുഷ. പ്രൊഡക്ഷന്‍ എക്‌സിക്യൂട്ടീവ്: അനില്‍ അങ്കമാലി, രാജീവ് കുടപ്പനകുന്ന്.
