ആലപ്പുഴ: ആലപ്പുഴയില് കോളറ ബാധിച്ച് ചികിത്സയിലായിരുന്നയാള് മരിച്ചു. തലവടി സ്വദേശി പി ജി രഘു (48) ആണ് മരിച്ചത്.
രണ്ടു ദിവസം മുന്പാണ് രക്ത പരിശോധനയില് ഇയാൾക്ക് കോളറ സ്ഥിരീകരിച്ചത്.
ഗുരുതരാവസ്ഥയില് തിരുവല്ലയിലെ സ്വകാര്യ ആശുപത്രിയില് ചികിത്സയിലിരിക്കേ, ഇന്ന് പുലര്ച്ചെയാണ് മരണം.
എന്നാൽഡ്രൈവറായി ജോലി നോക്കിവന്ന രഘുവിന്റെ രോഗ ഉറവിടം ഇതുവരെ കണ്ടെത്താന് ആയിട്ടില്ല. പ്രദേശത്ത് ജാഗ്രത നിര്ദ്ദേശം പുറപ്പെടുവിച്ചു.
രണ്ടുദിവസം മുന്പ് ശാരീരിക അസ്വസ്ഥതയെ തുടര്ന്നാണ് രഘുവിനെ തിരുവല്ലയിലെ സ്വകാര്യ ആശുപത്രിയില് പ്രവേശിപ്പിച്ചത്.
പിന്നീട് പെട്ടെന്ന് ആരോഗ്യനില വഷളാകുകയായിരുന്നു. കോളറ സ്ഥിരീകരിച്ചതോടെ രോഗിയുമായി സമ്പര്ക്കത്തിലായവരെ നിരീക്ഷണത്തിലാക്കി.
സംസ്ഥാനത്ത് ഈ വര്ഷത്തെ രണ്ടാമത്തെ കേസാണിത്. തിരുവനന്തപുരം കവടിയാര് സ്വദേശിയായ 63കാരന് കഴിഞ്ഞദിവസം കോളറ ബാധിച്ച് മരിച്ചിരുന്നു.
ഇയാള്ക്ക് എവിടെ നിന്നാണ് രോഗം ബാധിച്ചതെന്ന് ഇതുവരെയും കണ്ടെത്തിയിട്ടില്ല.
