പുതിയ നിരക്ക് രാജ്യത്തുടനീളം ബാധകമാണ്
ന്യൂഡൽഹി: രാജ്യത്ത് പാൽ വില കുറച്ച് അമുൽ. ലിറ്ററിന് ഒരു രൂപയാണ് കുറച്ചത്. കമ്പനി എംഡി ജയൻ മേത്തയാണ് ഇക്കാര്യം അറിയിച്ചത്. പുതിയ നിരക്ക് രാജ്യത്തുടനീളം ബാധകമാണ്.(Amul Cuts Milk Prices For 1-Litre Packs Across India)
1973-ൽ രൂപീകരിച്ച ഗുജറാത്ത് കോ-ഓപ്പറേറ്റീവ് മിൽക്ക് മാർക്കറ്റിംഗ് ഫെഡറേഷനാണ് അമുൽ എന്ന ബ്രാൻഡിൽ പാലുൽപ്പന്നങ്ങൾ വിപണിയിലെത്തിക്കുന്നത്. വിലക്കുറവ് കുടുംബങ്ങൾക്കും, സംരംഭകർക്കും ഒരുപോലെ ഗുണം ചെയ്യുമെന്നു കമ്പനി അറിയിച്ചു. അമുൽ ഗോൾഡ്, അമുൽ താസ, അമുൽ ടി-സ്പെഷ്യൽ, അമുൽ ചായ് മസ്സ എന്നിവയുടെ ഒരു ലിറ്റർ പാക്കറ്റുകൾക്കാണ് വില കുറഞ്ഞത്. അമൂൽ ഗോൾഡ് മിൽക്കിന് 66 രൂപയിൽനിന്ന് 65 ആയി കുറഞ്ഞു. അമുൽ ടാസയ്ക്ക് 53 രൂപയും , അമുൽ ടീ സ്പെഷ്യലിന് 61 രൂപയും ,അമുൽ ചായ മാസയ്ക്ക് 53രൂപയുമാണ് പുതിയ നിരക്ക്.
2023-24 സാമ്പത്തിക വർഷത്തിൽ അമുലിന്റെ വിറ്റുവരവ് എട്ട് ശതമാനം വർധിച്ച് 59,445 കോടി രൂപയായി ഉയർന്നിരുന്നു. ഈ സാമ്പത്തിക വർഷം വിറ്റുവരവ് ഉയർത്താനാണ് ഗുജറാത്ത് കോർപറേറ്റീവ് മിൽക്ക് മാർക്കറ്റിങ് ഫെഡറേഷൻ്റെ ശ്രമം.
