അന്തരീക്ഷത്തിൽ തണുപ്പും പൊള്ളുന്ന വെയിലും വന്നതോടെ പലർക്കും തൊലിപ്പുറത്തെ പ്രശ്‌നങ്ങൾ കണ്ടുതുടങ്ങി. ചർമത്തിൽ വരൾച്ച , മൂക്ക് , കൈകാലുകളുടെ ഉൾഭാഗം വിണ്ടു കീറൽ, ചുണ്ട് വരണ്ട് പൊട്ടൽ, ചൊറിച്ചിൽ എന്നീ പ്രശ്‌നങ്ങളാണ് പ്രധാനമായും ഉള്ളത്. Alternating cold and scorching heat: Things to be aware of
സോറിയാസിസ്, എക്‌സിമ പോലുള്ള ചർമ പ്രശ്‌നങ്ങൾ ഉള്ളവരിൽ തണുപ്പുകാലം അത് തീവ്രമാക്കുകയും ചെയ്യും. പഴകിയ പ്രമേഹവും ചർമത്തെ ബാധിക്കും. ചർമത്തിന്റെ ആരോഗ്യം കാത്തു സൂക്ഷിക്കാൻ ഇക്കാര്യങ്ങൾ ശ്രദ്ധിക്കാം.
ചർമം വരളുന്നത് ഒഴിവാക്കാൻ ശുദ്ധമായ വെളിച്ചെണ്ണ നെയ്യ്, വെണ്ണ എന്നിവ ഉപയോഗിക്കാം, അത്തി, ഇത്തി, അരയാൽ, പേരാൽ, എന്നിവയുടെ തോട് ഇട്ട് വെന്ത വെള്ളം കുളിക്കാനും ചെറു ചൂടോടെ കാൽ മുക്കി വെക്കാനും ഉപയോഗിക്കാം. ആഴ്ചയിൽ രണ്ടു തവണയെങ്കിലും എണ്ണതേച്ച് മൃദുവായി തിരുമി ഇളം ചൂടുവെള്ളത്തിൽ കുളിക്കാം.
അമിതമായ എണ്ണമയം ഉണ്ടെങ്കിൽ ഇഞ്ചയോ പയറുപൊടിയോ കടലമാവോ ഉപയോഗിക്കാം ഇത് രക്തയോട്ടം വർധിപ്പിക്കും വരൾച്ച കുറയ്ക്കും. ചുണ്ട് വരണ്ടു കീറുന്നത് ഒഴിവാക്കാൻ തേൻ, ബീവാക്‌സ്, എന്നിവ ഉപയോഗിക്കാം. തൊലിപ്പുറത്ത് ഉണ്ടാകുന്ന ചെറിയ പൊട്ടലുകൾക്ക് കറ്റാർവാഴക്കുഴമ്പിൽ മഞ്ഞൾപ്പൊടി ഇട്ട് പുരട്ടാവുന്നതാണ്.
