മലയാളികളടക്കം നിരവധി ആരാധകരുടെ ബോളിവുഡ് താര ദമ്പതികളാണ് രൺബീർ കപൂറും ആലിയ ഭട്ടും. ഇരുവരുടെയും പ്രണയകാലം മുതൽ കുഞ്ഞ് ജനിച്ചതുവരെയുള്ള ഓരോ നിമിഷവും ഏറെ സന്തോഷോതോടെയാണ് ആരാധകർ ഏറ്റെടുത്തിരുന്നത്. ഇപ്പോഴിതാ ഇവരുടെ മകളായ റാഹയുടെ ഇഷ്ടപ്പെട്ട മലയാളം താരാട്ടുപാട്ടിനെ പറ്റി പറയുകയാണ് ആലിയ.(Alia says that Ranbir learned Malayalam song for his daughter)
മകൾ റാഹയെ പരിചരിക്കുന്ന മലയാളിയായ ആയ ഉണ്ണി വാവാവോ എന്ന ഗാനം പാടാറുണ്ടായിരുന്നു. റാഹയ്ക്ക് ഉറങ്ങാൻ നേരമാകുമ്പോൾ ‘മമ്മാ വാവോ പാപ്പാ വാവോ’ എന്നുപറഞ്ഞ് വരും. അങ്ങനെ ഇപ്പോൾ രൺബീർ ഉണ്ണി വാവാവോ എന്ന പാട്ട് പഠിച്ചുവെന്നാണ് ആലിയ പറയുന്നത്. റാഹ ജനിച്ച ശേഷം തന്റെ ജീവിതത്തിൽ നിരവധി മാറ്റങ്ങളുണ്ടായെന്നു പറയുകയാണ് ആലിയ. ഒരു ദേശീയ മാധ്യമത്തിനു നൽകിയ അഭിമുഖത്തിലായിരുന്നു ആലിയയുടെ പ്രതികരണം.
ആലിയയുടെ അഭിമുഖത്തിന്റെ ഭാഗങ്ങൾ ഇപ്പോൾ മലയാളി ആരാധകർ ഏറ്റെടുത്തിയിരിക്കുകയാണ്. 1991ൽ സിബി മലയിൽ സംവിധാനം ചെയ്ത സാന്ത്വനം എന്ന സിനിമയിലേതാണ് ഈ താരാട്ടു പാട്ട്. കെ എസ് ചിത്ര ആലപിച്ച ഗാനം ഇന്നും പ്രേക്ഷകർക്ക് ഏറെ പ്രിയപ്പെട്ടതാണ്.
