അമ്പരപ്പിക്കുന്ന മാറ്റങ്ങൾക്ക് ഒരുങ്ങി ആലപ്പുഴ റെയിൽവേ സ്റ്റേഷൻ. ടൈലുകൾ പാകുന്നു, മേൽക്കൂര സീലിംഗ് ചെയ്യുന്നു, ഇരുവശത്തും നടപ്പാത നിർമ്മിക്കുന്നു അങ്ങനെ പുതുപുത്തൻ നവീകരണങ്ങളുടെ നടുക്കാണ് ആലപ്പുഴ റെയിൽവേ സ്റ്റേഷൻ. (Alappuzha railway station with surprising changes)
അമൃത ഭാരത് പദ്ധതിയിൽ ഉൾപ്പെടുത്തി ഏകദേശം 10 കോടി രൂപയുടെ നവീകരണമാണ് സ്റ്റേഷനിൽ നടക്കുന്നത്. രണ്ടാമതൊരു നടപ്പാലം ഉൾപ്പെടെ വമ്പൻ മാറ്റങ്ങൾ. പ്രധാന കവാടത്തിന് വടക്ക് ഭാഗത്തായി പുതിയ നടപ്പാലം വരും കഴിഞ്ഞവർഷം ആരംഭിച്ച മഴമൂലം നിർത്തിവച്ച പണികളാണ് ഇപ്പോൾ തുടങ്ങിയിരിക്കുന്നത്.
വളരെക്കാലമായുള്ള യാത്രക്കാരുടെ ആവശ്യമായിരുന്നു രണ്ടു നടപ്പാലം വേണമെന്നത്. ഒന്നാം പ്ലാറ്റ്ഫോമിൽ ആണ് മേൽക്കൂര സീലിംഗ് ചെയ്യുന്നത്. അതുപോലെതന്നെ വനിതാ-ശിശു ആശുപത്രിക്ക് സമീപം റെയിൽവേ ലെവൽ ക്രോസ് മുതൽ സ്റ്റേഷൻ വരെ റോഡിന് 20 നടപ്പാത കിട്ടുന്ന പണിയും പുരോഗമിക്കുകയാണ്. നവീകരണത്തിന്റെ ഭാഗമായി ടിക്കറ്റ് കൗണ്ടറും ഓട്ടോ സ്റ്റാൻഡും മാറ്റി സ്ഥാപിച്ചിട്ടുണ്ട്. പുതിയ എസി കാത്തിരിപ്പ് കേന്ദ്രത്തിന് സമീപത്തേക്ക് ആണ് ഇവ മാറ്റിയത്.
