കൽപ്പറ്റ: ഷുഹൈബ് വധക്കേസ് പ്രതി ആകാശ് തില്ലങ്കേരി നടത്തിയ നിയമലംഘന ജീപ്പ് സഫാരിയിൽ വാഹന ഉടമയ്ക്കെതിരെ കേസ്. മലപ്പുറം മൊറയൂർ സ്വദേശി സുലൈമാനെതിരെയാണ് കേസെടുത്തത്. 9 കുറ്റങ്ങളാണ് ഇയാൾക്കെതിരെ ചുമത്തിയത്. കൂടാതെ 45,500 രൂപ പിഴയും അടക്കണം.(Akash Thillankeri jeep ride; case against vehicle owner)
ലൈസൻസ് ഇല്ലാതെ ഓടിക്കാൻ വാഹനം വിട്ടു നൽകിയതിലും ഉടമക്കെതിരെ കേസുണ്ട്. ആകാശ് തില്ലങ്കേരിയുടെ ഡ്രൈവിംഗ് ലൈസൻസ് ലഭിക്കാത്ത സാഹചര്യത്തിലാണ് ഈ വകുപ്പ് ചുമത്തിയത്. നേരത്തെ, ലൈസൻസ് വിവരങ്ങൾ കണ്ണൂർ ആർടിഒയിൽ നിന്ന് തേടിയിരുന്നു. ആകാശിൻ്റെ ലൈസൻസ് വിവരങ്ങൾ ലഭിച്ചാൽ ലൈസൻസ് ഇല്ലെന്ന കുറ്റം ഒഴിവാകും. വാഹനത്തിൻ്റെ ആർസി സസ്പെൻഡ് ചെയ്യാനും ശുപാർശ ചെയ്തിരുന്നു.
അതേസമയം, ആകാശ് തില്ലങ്കേരി ഓടിച്ച വാഹനം ഇതുവരെ കണ്ടെത്തായിട്ടില്ല. വാഹനത്തിൻ്റെ രൂപമാറ്റം വരുത്തിയത് ഉൾപ്പെടെയുള്ള കുറ്റങ്ങളാണ് നിലവിൽ ചുമത്തിയിട്ടുള്ളത്.
Read Also: കോളറ ‘ഒ’ രക്തഗ്രൂപ്പുകാരെ കൂടുതൽ ബാധിക്കുന്നത് എന്തുകൊണ്ടാണ് ? ഗവേഷകർ പറയുന്ന ആ കാരണങ്ങൾ അറിയാം:
Read Also: അന്താരാഷ്ട്ര അവയക്കച്ചവട സംഘം പിടിയിൽ; അറസ്റ്റിലായത് അപ്പോളോ ആശുപത്രിയിലെ ഡോക്ടറടക്കം 7 പേർ
