കോട്ടയം: വേണാട് എക്സ്പ്രസിലെ തിക്കിലും തിരക്കിലും പെട്ട് ഇന്നും യാത്രക്കാരി കുഴഞ്ഞു വീണു. ചങ്ങനാശ്ശേരി സ്വദേശിനി ജോവിറ്റയാണ് കുഴഞ്ഞു വീണത്. തിരുവനന്തപുരം-എറണാകുളം വേണാട് എക്സ്പ്രസിലാണ് സംഭവം.(Again passenger collapsed in venad express)
ട്രെയിൻ പിറവം റോഡ് റെയില്വേ സ്റ്റേഷന് പിന്നിട്ടപ്പോള് യാത്രക്കാരിക്ക് ദേഹാസ്വാസ്ഥ്യം അനുഭവപ്പെടുകയും കുഴഞ്ഞുവീഴുകയുമായിരുന്നു. കഴിഞ്ഞ തിങ്കളാഴ്ചയും വേണാടില് രണ്ട് സ്ത്രീകള് കുഴഞ്ഞു വീണിരുന്നു. ഓണാവധിക്ക് ശേഷമുള്ള ആദ്യ പ്രവൃത്തി ദിനമായതിനാല് വേണാടില് വൻ തിരക്കാണ് അനുഭവപ്പെട്ടത്.
വാതില്പ്പടികളിലും ശുചിമുറികളിലും ഉള്പ്പെടെ സുരക്ഷിതമല്ലാത്ത സ്ഥലങ്ങളില് യാത്ര ചെയ്യാന് നിര്ബന്ധിതരായതായി യാത്രക്കാര് പരാതിപ്പെട്ടിരുന്നു. ഇതിന് പിന്നാലെ വേണാട് എക്സ്പ്രസില് കൂടുതല് കോച്ച് അനുവദിക്കണമെന്ന ആവശ്യവുമായി റെയില്വേ മന്ത്രി വി അബ്ദുറഹിമാന് രംഗത്തെത്തിയിരുന്നു.
