വയനാട്: ജില്ലയിൽ അതിശക്തമായ മഴ തുടരുന്ന സാഹചര്യത്തിൽ അഡ്വഞ്ചര് പാർക്കുകളിൽ ട്രക്കിങ് പ്രവര്ത്തനങ്ങള് നിരോധിച്ച് ജില്ലാ കളക്ടർ. 900 കണ്ടി, എടക്കല് ഗുഹ ഉള്പ്പെടെയുള്ള സര്ക്കാർ -സ്വകാര്യ മേഖലകളിലെ അഡ്വഞ്ചര് പാര്ക്കുകള്, ട്രക്കിങ് പ്രവർത്തനങ്ങൾ നിരോധിച്ചാണ് കളക്ടർ ഉത്തരവിറക്കിയത്. കാലവര്ഷം ശക്തി പ്രാപിച്ചതിനാൽ പൊതുജനങ്ങള് അത്യാവശ്യമില്ലാത്ത യാത്രകള് ഒഴിവാക്കണം എന്നും ഉത്തരവിൽ പറയുന്നു.(Adventure park trekking stopped)
പുഴകളിലും ജലാശയങ്ങളിലും ജലനിരപ്പ് ഉയരുന്ന സാഹചര്യത്തില് പൊതുജനങ്ങള് ജാഗ്രത പാലിക്കണം. പുഴകളിലും ജലാശയങ്ങളിലും ഇറങ്ങുന്നത് ഒഴിവാക്കണമെന്നും നിർദ്ദേശമുണ്ട്. ജില്ലയിലെ ക്വാറികളുടെ പ്രവർത്തനം, വീട് നിർമ്മാണത്തിനായും മറ്റും യന്ത്ര സഹായത്തോടെ മണ്ണെടുക്കലിനും ജില്ലാ കളക്ടർ നിയന്ത്രണം ഏർപ്പെടുത്തി.
ദുരന്തനിവാരണ പ്രവർത്തനങ്ങളുടെ ഭാഗമായി പുഴകളിലും തോടുകളിലും അടിഞ്ഞുകൂടിയ എക്കലുകൾ നീക്കം ചെയ്യുന്നതിനും ജനങ്ങളുടെ ജീവനും സ്വത്തിനും ഭീഷണിയായിട്ടുള്ള മണ്ണ് നീക്കം ചെയ്യുന്നതിനും നിരോധന ഉത്തരവ് ബാധകമല്ലെന്നും ജില്ലാ കളക്ടർ അറിയിച്ചു.
Read Also: കണ്ണൂരിൽ വീണ്ടും സ്ഫോടകവസ്തു; കണ്ടെത്തിയത് നിർമ്മാണത്തിലിരിക്കുന്ന വീടിനരികെ നിന്ന്
Read Also: അതിശക്തമായ മഴ തുടരുന്നതിനിടെ, സംസ്ഥാനത്ത് മഴക്കെടുതിയിൽ ഇന്ന് ആറ് മരണം
