തിരുവനന്തപുരം : ജീവനൊടുക്കിയ എഡിഎം നവീൻ ബാബുവിന് പകരം കണ്ണൂരിൽ പുതിയ എഡിഎം ചുമതലയേറ്റു. A new ADM has taken charge in Kannur കണ്ണൂർ ജില്ലയുടെ പുതിയ എഡിഎം ആയി കൊല്ലം സ്വദേശി പത്മചന്ദ്ര കുറുപ്പ് ചുമതലയേറ്റു . ഇന്ന് രാവിലെയാണ് പത്മചന്ദ്ര കുറുപ്പ് ചേമ്പറിലെത്തി ചുമതലയേറ്റത് .മുൻപ് നാഷണൽ ഹൈവേ അക്വസിഷനിൽ ആയിരന്നു പത്മചന്ദ്ര കുറുപ്പ് .
നേരത്തെ ഇദ്ദേഹം സ്ഥാനം ഏറ്റെടുക്കാൻ വിസമ്മതിച്ചതായി റിപ്പോർട്ടുകളുണ്ടായിരുന്നു . വിവാദങ്ങളൊന്നും ബാധിക്കില്ലെന്നും ശുഭാപ്തി വിശ്വാസത്തോടെയാണ് വന്നിരിക്കുന്നതെന്നും അദ്ദേഹം ആത്മവിശ്വാസം പ്രകടിപ്പിച്ചു . കാര്യങ്ങളെല്ലാം മനസിലാക്കി വരുന്നതേയുളളു എന്നും വലിയ പ്രതീക്ഷയോടെയാണ് വന്നതെന്നുമായിരുന്നു പത്മചന്ദ്ര കുറുപ്പിന്റെ് ആദ്യ പ്രതികരണം .
നവീൻ ബാബുവിനെപ്പറ്റി കേട്ടിട്ടേയുളളു എന്നും ഒരുമിച്ച് ജോലി ചെയ്തിട്ടില്ലെന്നും അദ്ദേഹം പറഞ്ഞു. നവീൻ ബാബുവിന്റെ് മരണത്തിൽ എല്ലാം നിയമപരമായിത്തന്നെയാണ് നീങ്ങുന്നതെന്നും ഇനിയും അങ്ങനെത്തന്നെയാണ് പോകുകയെന്നും അദ്ദേഹം കൂട്ടിച്ചേർത്തു.
