അഭിനയം നിർത്തിയോ? അമേരിക്കയിലേക്ക് താമസം മാറിയോ ?’ അഭ്യൂഹങ്ങൾക്ക് മറുപടിയുമായി ലെന
മലയാളികൾക്ക് ഏറെ സുപരിചിതയായ നടി ലെന അഭിനയത്തിൽ നിന്ന് വിട്ടുനിന്നുവെന്ന തരത്തിൽ അടുത്തിടെ പ്രചരിച്ച അഭ്യൂഹങ്ങൾക്ക് വ്യക്തമായ മറുപടിയുമായി രംഗത്തെത്തി.
രണ്ടാം വിവാഹത്തിന് പിന്നാലെ ലെന അഭിനയം നിർത്തിയെന്ന തരത്തിലുള്ള പ്രചാരണങ്ങൾ സോഷ്യൽ മീഡിയയിൽ ശക്തമായിരുന്നു.
എന്നാൽ, അമേരിക്കയിൽ നിന്നു ഇന്ത്യയിലേക്ക് മടങ്ങിയെത്തിയതായും വീണ്ടും അഭിനയരംഗത്ത് സജീവമായതായും നടി വ്യക്തമാക്കി.
ഇൻസ്റ്റഗ്രാമിലൂടെ പങ്കുവച്ച കുറിപ്പിലാണ് ലെന നിലപാട് വ്യക്തമാക്കിയത്. “ഞാൻ അമേരിക്കയിലേക്ക് താമസം മാറിയതാണോ, അഭിനയത്തിൽ നിന്ന് പൂർണമായി വിട്ടുനിന്നതാണോ എന്ന കാര്യത്തിൽ സിനിമാ മേഖലയിലെ സഹപ്രവർത്തകർക്കും ആരാധകർക്കും വലിയ ആശയക്കുഴപ്പം ഉണ്ടെന്ന് ശ്രദ്ധിച്ചു.
ഈ പോസ്റ്റിലൂടെ വ്യക്തമാക്കാൻ ആഗ്രഹിക്കുന്നത്, ഞാൻ ഇന്ത്യയിലേക്ക് മടങ്ങിയെത്തി കൊച്ചിയിൽ താമസമാക്കിയതും അഭിനയത്തിലേക്ക് തിരിച്ചെത്തിയതുമാണ്,” എന്ന് ലെന കുറിച്ചു.
തന്റെ കം-ബാക്ക് ചിത്രം ‘വലതു വശത്തെ കള്ളൻ’ സംവിധാനം ചെയ്ത ജീത്തു ജോസഫിന് നന്ദി അറിയിച്ച ലെന, ചിത്രം ജനുവരി 30ന് റിലീസ് ചെയ്യുമെന്നും വ്യക്തമാക്കി.
തനിക്കെതിരെ പ്രചരിച്ച അഭ്യൂഹങ്ങൾ അവസാനിപ്പിക്കാനും ആരാധകരോട് നന്ദി അറിയിക്കാനുമായിരുന്നു ഈ കുറിപ്പ്.
ഗഗൻയാൻ ബഹിരാകാശ ദൗത്യത്തിലെ എയർഫോഴ്സ് ഗ്രൂപ്പ് ക്യാപ്റ്റൻ പ്രശാന്ത് ബാലകൃഷ്ണൻ നായരാണ് ലെനയുടെ ഭർത്താവ്.
വിവാഹശേഷം ഏകദേശം പത്ത് മാസം ഇരുവരും അമേരിക്കയിൽ താമസിച്ചിരുന്നു. 2024 ജനുവരി 17നായിരുന്നു ഇരുവരുടെയും വിവാഹം.
English Summary
Malayalam actress Lena has dismissed rumors claiming that she quit acting after her second marriage. In a social media post, Lena clarified that she has returned from the US, is now settled in Kochi, and has resumed her acting career.
actress-lena-clarifies-acting-comeback-after-marriage
Lena actress, Malayalam cinema, celebrity news, Lena marriage, film comeback, Jeethu Joseph, Valathu Vashathe Kallan
