നടി ദിവ്യ ഉണ്ണി അമേരിക്കയിലേക്ക് മടങ്ങി. ഇന്നലെ കൊച്ചി വിമാനത്താവളത്തില് നിന്ന് സിംഗപ്പുര് വഴിയാണ് ദിവ്യ ഉണ്ണി അമേരിക്കയിലേക്ക് മടങ്ങിയത്. ഏറെക്കാലമായി അമേരിക്കയില് കഴിയുന്ന താരം ഭരതനാട്യം പരിപാടിക്കായാണ് കൊച്ചിയിലെത്തിയത്. മെഗാ ഭരതനാട്യം നടത്തിപ്പുമായി ബന്ധപ്പെട്ട കേസിൽ ചോദ്യം ചെയ്യാന് പോലീസ് നോട്ടീസ് നല്കുമെന്ന സൂചനകള്ക്കിടെയാണ് നടിയുടെ മടക്കം. Actress Divya Unni returns to America
ദിവ്യ ഉണ്ണി പങ്കെടുക്കുന്ന പരിപാടി എന്ന നിലയ്ക്കാണ് പല രക്ഷിതാക്കളും മക്കളെ അയച്ചത്. കലൂര് സ്റ്റേഡിയത്തില്വെച്ച് നടത്തിയ നൃത്തപരിപാടിയിലെ സാമ്പത്തിക തട്ടിപ്പ് സംബന്ധിച്ച് നാല് പേര്ക്കെതിരേ പോലീസ് കേസെടുത്തിട്ടുണ്ട്.
പരിപാടിയുടെ ബ്രാന്ഡ് അംബാസിഡര് എന്ന രീതിയിലാണ് നടിയും നര്ത്തകിയുമായ ദിവ്യ ഉണ്ണിയെ മൃദംഗവിഷന് സംഘാടകര് ഉയര്ത്തിക്കാട്ടിയിരുന്നത്. പരിപാടിയുമായി ബന്ധപ്പെട്ട രണ്ട് കേസുകളില് മൊഴിയെടുക്കാന് ദിവ്യ ഉണ്ണിയെ വിളിക്കുമെന്ന് പോലീസ് അറിയിച്ചിരുന്നു. അതിനിടെയാണ് ദിവ്യ ഉണ്ണി കേരളം വിട്ടത്.
