കൊച്ചി: സിനിമാതാരം കൊച്ചിന് ആന്റണി (എ ഇ ആന്റണി)യെ വീട്ടില് മരിച്ച നിലയില് കണ്ടെത്തി. 80 വയസ്സായിരുന്നു. നടനും തലയോലപ്പറമ്പ് യങ് ഇന്ത്യ ഐടിസി ഉടമയുമാണ്. തലപ്പാറ ആന്റണി വില്ല വീട്ടിലാണ് ഇന്നലെ രാത്രി ഏഴു മണിയോടെ മൃതദേഹം കണ്ടെത്തിയത്.(Actor Cochin Antony was found dead)
ഭാര്യ ഒരാഴ്ച മുമ്പ് ധ്യാനത്തിന് പോയിരുന്നതിനാല് വീട്ടില് ആന്റണി ഒറ്റക്കായിരുന്നു. സമീപ സ്റ്റാന്ഡിലെ ഓട്ടോ ഡ്രൈവര് വീട്ടില് എത്തിയപ്പോഴാണ് വീടിനകത്തു നിന്നും ദുര്ഗന്ധം വമിച്ചത്. തുടര്ന്ന് സമീപവാസികള് അന്വേഷണം നടത്തിയപ്പോൾ ആന്റണിയെ മരിച്ച നിലയില് കണ്ടെത്തുകയായിരുന്നു.
പഴശ്ശിരാജ, കായംകുളം കൊച്ചുണ്ണി ഉള്പ്പെടെ ഒട്ടേറെ സിനിമകളില് അഭിനയിച്ചിട്ടുണ്ട്. വാഷ്ബേസിനില് മുഖം കഴുകുന്നതിനിടെ തലയിടിച്ചു വീണതാകാം മരണകാരണമെന്ന് മകന് അനില് പറഞ്ഞു. മറ്റു മക്കള്; അനിത, അനൂപ്, അജിത്ത്, ആശ
