നടൻ ആൻസൺ പോൾ വിവാഹിതനായി. തിരുവല്ല സ്വദേശി നിധി ആൻ ആണ് വധു. തൃപ്പൂണിത്തുറ രജിസ്റ്റർ ഓഫീസിൽ ലളിതമായാണ് വിവാഹ ചടങ്ങുകൾ നടന്നത്.
സുഹൃത്തുക്കളും ബന്ധുക്കളും മാത്രമാണ് വിവാഹത്തിൽ പങ്കെടുത്തത്. കെ.ക്യു എന്ന ചിത്രത്തിലൂടെ 2013-ലാണ് ആൻസൺ പോൾ സിനിമ ലോകത്ത് അരങ്ങേറ്റം കുറിച്ചത്.
2015 ൽ പുറത്തിറങ്ങിയ സു സു സുധി വാത്മീകം എന്ന ചിത്രത്തിലെ വിജയ് ബാബു എന്ന കഥാപാത്രത്തിലൂടെ പ്രേക്ഷക ശ്രദ്ധ നേടി. പിന്നീട് ജീത്തു ജോസഫ് ചിത്രം ഊഴത്തിലും ആട് 2വിൽ വില്ലനായി എത്തിനും അഭിനയിച്ചിട്ടുണ്ട്. ശിവകാർത്തികേയൻ ചിത്രമായ റെമോയിലൂടെ തമിഴിലും താരം അരങ്ങേറി.
മമ്മൂട്ടിക്കൊപ്പമുള്ള അബ്രഹാമിന്റെ സന്തതികൾ ആൻസന്റെ കരിയറിൽ ബ്രേക്കായി. കലാ വിപ്ലവം പ്രണയം, ഗാംബ്ലർ, തമ്പി, എ രഞ്ജിത് സിനിമ തുടങ്ങിയ ചിത്രങ്ങളിലും അഭിനയിച്ചു. ഉണ്ണി മുകുന്ദൻ നായകനായ മാർക്കോയാണ് ഏറ്റവും ഒടുവിലായി പുറത്തിറങ്ങിയ ചിത്രം.
