കൊച്ചി: കരിക്കു വിൽക്കുന്ന കടയിലേക്ക് കാർ പാഞ്ഞുകയറി യുവതി മരിച്ചു. എറണാകുളം കോതമംഗലത്ത് ആണ് അപകടം നടന്നത്. ഇടുക്കി സ്വദേശിനിയായ 33 വയസുകാരി ശുഭയാണ് മരിച്ചത്.
ഇന്ന് വൈകീട്ടായിരുന്നു ദാരുണ സംഭവം നടന്നത്. കോതമംഗലം കുത്തുകുഴിയിൽ റോഡരികിലാണ് ശുഭ കരിക്ക് കച്ചവടം നടത്തുന്നത്. ഇവിടേക്ക് കാർ പാഞ്ഞു കയറുകയായിരുന്നു.
കോതമംഗലം ഭാഗത്തേക്ക് വരികയായിരുന്ന കാറാണ് നിയന്ത്രണം വിട്ട് അപകടമുണ്ടാക്കിയത്. ശുഭയെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ ഊന്നുകൽ പോലീസ് കേസ് രജിസ്റ്റർ ചെയ്തു.
