തൊടുപുഴ-മൂവാറ്റുപുഴ റോഡില് വെങ്ങല്ലൂരില് നിയന്ത്രണം നഷ്ടപ്പെട്ട ലോറിയും കാറും കൂട്ടിയിടിച്ച് അപകടം. ഞായറാഴ്ച രാത്രി 10.30യോടെയാണ് അപകടമുണ്ടായത്. അപകടത്തില് ഐഷര് ലോറിയുടെ ചരക്കും ഓയിലും റോഡിലേക്ക് വീണ് അപകടാവസ്ഥ സൃഷ്ടിച്ചു.
ഈരാറ്റുപേട്ടയില് നിന്നും മൂവാറ്റുപുഴയിലേക്ക് ചരക്കുമായ് വരുകയായിരുന്ന ഐഷര് ലോറിയും മൂവാറ്റുപുഴ ഭാഗത്തുനിന്നും തൊടുപുഴ ഭാഗത്തേക്കുവരുകയായിരുന്ന കാറും തമ്മിലാണ് കൂട്ടിയിടിച്ച് അപകടം ഉണ്ടായത്.
തൊടുപുഴ ഫയര്ഫഴ്സിന്റെ നേതൃത്വത്തില് റോഡ് വൃത്തിയാക്കുന്നതിനിടെ അമിത വേഗത്തിലെത്തിയ മറ്റൊരു കാര് റോഡ് വൃത്തിയാക്കുകയായിരുന്ന ഈരാറ്റുപേട്ട സ്വദേശി ഇസ്മയിലിനെ ഇടിച്ചിട്ടു.
തൊടുപുഴ ഫയര്ഫോഴ്സ് സ്ഥലത്തെത്തി അപകടത്തില് തകര്ന്ന വാഹത്തിന്റെ ഭാഗങ്ങള് റോഡില് നിന്നും നീക്കുകയും ഓയിലും, ഡീസലും റോഡില് വീണതിനാല് വെളളം ഉപയോഗിച്ച് റോഡ് കഴുകുകയും കൂടുതല് സുരക്ഷയ്ക്കായി അറക്കപ്പൊടി വിതറി അപകടാവസ്ഥ ഒഴിവാക്കുകയും ചെയ്തു. പരിക്കേറ്റ ഇസ്മയിലിനെ തൊടുപുഴയിലെ സ്വകാര്യ ആശുപത്രിയില് പ്രവേശിപ്പിച്ചു.
