കൊച്ചി: മദ്യലഹരിയിൽ എസ്.ഐ ഓടിച്ച കാർ ഇടിച്ച് ഒരാൾക്ക് പരിക്ക്. ഇൻഫോ പർക്ക് എസ്.ഐ ശ്രീജിത്ത് ഓടിച്ചിരുന്ന കാറിടിച്ചാണ് അപകടം നടന്നത്. ഇൻഫോ പാക്ക് ജീവനക്കാരൻ രാകേഷിനാണ് പരിക്കേറ്റത്.(Accident by car driven by S.I; Infopark employee injured)
ഇന്ന് രാത്രി 7.30 നായിരുന്നു സംഭവം. ബ്രഹ്മപുരം പാലത്തിൽ വെച്ചാണ് അപകടം നടന്നത്. പരിക്കേറ്റ രാകേഷ് സ്പെഷ്യലിസ്റ്റ് ആശുപത്രിയിൽ ചികിത്സയിലാണ്. ബൈക്കിൽ ഇടിച്ച ശേഷം മറ്റൊരു കാറിൽ ഇടിച്ചാണ് എസ്.ഐ ഓടിച്ചിരുന്ന വാഹനം നിന്നത്.
എസ്ഐ മദ്യ ലഹരിയിലായിരുന്നെന്ന് ദൃക്സാക്ഷികൾ പറഞ്ഞു. ഇൻഫോപാർക്ക് പൊലീസ് സംഭവ സ്ഥലത്തെത്തിയാണ് എസ്ഐയെ ജീപ്പിൽ കയറ്റി സ്റ്റേഷനിലേക്ക് കൊണ്ടുപോയത്.
