ഇടുക്കി: ഒട്ടേറെ കേസുകളിലെ പ്രതിയായി 37 വര്ഷമായി ഒളിവിലായിരുന്ന അയ്യപ്പൻകോവിൽ, പാലപ്ലക്കൽ വീട്ടില് മോഹനൻ നായരെ കര്ണ്ണാടകയിൽ നിന്നും പോലീസ് കണ്ടെത്തി.
കട്ടപ്പന പോലീസ് സ്റ്റേഷന് പരിധിയിലെ മോഷണം, ആയുധങ്ങള് കൊണ്ടുള്ള ദേഹോപദ്രവം, വനം വകുപ്പിന്റെ കേസുകളിലും ഇയാൾ പ്രതിയായിരുന്നു. 1988 മുതല് 37 വര്ഷമായി ഒളിവിലായിരുന്ന പ്രതിയെക്കുറിച്ച് ജില്ലാ പോലീസ് മേധാവിയുടെ പിടികിട്ടാപ്പുള്ളികളെ കണ്ടുപിടിക്കുന്ന പ്രത്യേക സ്ക്വാഡ് നടത്തിയ അന്വേഷണത്തിന്റെ അവസാനം പ്രതി ഉപയോഗിക്കുന്ന മൊബൈല് നമ്പര് കണ്ടെത്തുകയായിരുന്നു.
മൊബൈല് നമ്പര് പിന്തുടര്ന്ന പോലീസ് സംഘം കൂർഗ് ജില്ലയിലെ പൊന്നമ്പെട്ടിനു സമീപമുള്ള സുലുഗോഡ് എന്ന മലകള്ക്കിടയില് ഉള്ള സ്ഥലത്തു ആയിരുന്നു. തിരിച്ചറിയുവാന് ഫോട്ടോപോലും ഇല്ലാത്ത അവസ്ഥയില് നിന്നും 37 വര്ഷം മുന്പുള്ള ഏകദേശരൂപത്തില് നിന്നാണ് അന്വേഷണസംഘം അതിവിദഗ്ദമായി പ്രതിയിലേക്കെത്തിയത്. പ്രതിയെ റിമാൻഡ് ചെയ്തു.
