മറ്റ് രാജ്യങ്ങളിലാണെങ്കിൽ ഇത്തരം അനാസ്ഥയ്ക്ക് മാതാപിതാക്കൾ ജയിലിലാകുമായിരുന്നു
വാഹനാപകടത്തിൽ മരണപ്പെട്ട് സംസ്ഥാനത്തിലെ ഏറ്റവും പ്രായം കുറഞ്ഞ അവയവദാതാവായ ആലിൻ ഷെറിൻറെ എബ്രഹാമിന്റെ മരണത്തെ ചിലർ ആഘോഷിക്കുന്നുവെന്ന വിമർശനവുമായി എഴുത്തുകാരൻ എതിരൻ കിതരവൻ രംഗത്തെത്തി.
ആലിനെ പ്രതീകമായി ഉയർത്തിക്കാട്ടി സമൂഹം സ്വന്തം ഉത്തരവാദിത്തങ്ങളിൽ നിന്ന് ഒഴിഞ്ഞുമാറുകയാണെന്നും, ഇത് ക്രൂരവും അമാനുഷികവുമായ സമീപനമാണെന്നും അദ്ദേഹം പറഞ്ഞു.
കുട്ടികളുടെ റോഡ് സുരക്ഷയെക്കുറിച്ച് വിദഗ്ധർ നൽകിയ മുന്നറിയിപ്പുകൾ അവഗണിക്കപ്പെടുകയാണെന്നും, ബേബി സീറ്റ് പോലുള്ള അടിസ്ഥാന സുരക്ഷാ മാർഗങ്ങൾ പോലും കർശനമായി നടപ്പാക്കാൻ ശ്രമമില്ലെന്നും അദ്ദേഹം ചൂണ്ടിക്കാട്ടി.
സമൂഹത്തിന്റെ അനാസ്ഥയാണ് കുഞ്ഞിന്റെ മരണത്തിന് കാരണമെന്ന ബോധം ആളുകളിൽ ഉണ്ടാകുന്നില്ലേയെന്നും അദ്ദേഹം ചോദിച്ചു.
മാതാപിതാക്കൾക്ക് വലിയ പരിക്കുകളൊന്നുമില്ലാത്ത സാഹചര്യത്തിൽ കൂടുതൽ ജാഗ്രത പുലർത്തിയിരുന്നെങ്കിൽ അപകടം ഒഴിവാക്കാനായേനെയെന്നും അദ്ദേഹം അഭിപ്രായപ്പെട്ടു.
ഇത്തരമൊരു സംഭവം വിദേശ രാജ്യങ്ങളിലായിരുന്നുവെങ്കിൽ നിയമനടപടികൾ ഉണ്ടായേനെയെന്നും, പാലായിൽ ഒരു വ്യക്തി മകനെ ഡ്രൈവർ സീറ്റിൽ മടിയിലിരുത്തി വാഹനം ഓടിക്കുന്നതുകണ്ട അനുഭവവും അദ്ദേഹം പങ്കുവച്ചു.
ചെറിയ ആഘാതം പോലും കുട്ടികൾക്ക് ഗുരുതര അപകടമാകാമെന്നും, കുഞ്ഞുങ്ങളെ ഇത്തരത്തിൽ അപകടാവസ്ഥയിൽ ആക്കുന്നവർ യഥാർത്ഥത്തിൽ മാതാപിതാക്കളാണോയെന്നും അദ്ദേഹം ചോദിച്ചു.
ഫെബ്രുവരി 5ന് എംസി റോഡിലെ പള്ളം ബോർമ കവലയിൽ അരുണിനും ഷെറിനുമൊപ്പം കാറിൽ സഞ്ചരിക്കവേയാണ് അപകടം സംഭവിച്ചത്. ദിവസങ്ങളോളം ചികിത്സയിൽ കഴിഞ്ഞ ശേഷം ആലിന് മസ്തിഷ്കമരണം സംഭവിച്ചു.
തുടർന്ന് മാതാപിതാക്കൾ അവയവദാനം ചെയ്യാൻ തീരുമാനിച്ചു. ആലിന്റെ വൃക്കകളും കരളും ഹൃദയ വാൽവും നാല് കുഞ്ഞുങ്ങൾക്ക് പുതിയ ജീവിതം നൽകി.
English Summary:
Writer Ethiran Kitharavan criticized society for “celebrating” the death of infant organ donor Aalin Sherin Abraham, saying it reflects irresponsibility toward child road safety. He stressed that ignoring safety measures like baby seats contributes to such tragedies. After the accident on Feb 5, Aalin was declared brain-dead, and the parents donated the child’s organs, saving four other children.
aalin-organ-donation-ethiran-criticism
Aalin Sherin Abraham, Ethiran Kitharavan, Kerala News, Road Safety, Child Safety, Organ Donation, Accident, Viral News
