തൊടുപുഴ-പുളിയന്മല സംസ്ഥാന പാതയിലുണ്ടായ വാഹനാപകടത്തിൽ ബൈക്ക് പിക്കപ്പ് വാനിൽ ഇടിച്ച് ഒരാൾ മരിച്ചു. കുയിലുമലയ്ക്കും മീൻമുട്ടിക്കുമിടയിലാണ് അപകടമുണ്ടായത്. (A young man died in an accident on the Thodupuzha-Pulianmala state highway)
നെടുങ്കണ്ടം കൂട്ടാർ സ്വദേശി ഷാരിഖ് ആണ് മരിച്ചത്. സഹയാത്രികനായ ബാലഗ്രാം സ്വദേശി അരവിന്ദ് പരിക്കുകളോടെ ആശുപതിയിലാണ്.
തൊടുപുഴയിൽ നടക്കുന്ന ഫുട്ബോൾ സെലക്ഷനുമായി ബന്ധപ്പെട്ട് നെടുങ്കണ്ടത്തു നിന്നും തൊടുപുഴയിലേക്ക് പോകവേ, എതിരെ വന്ന പിക്കപ്പ് വാനിൽ ഇടിച്ച് ബൈക്ക് മറിയുകയായിരുന്നു.
ഇരുവരെയും ഇടുക്കി മെഡിക്കൽ കോളേജിൽ എത്തിച്ചെങ്കിലും ഷാരീഖിന്റെ ജീവൻ രക്ഷിക്കാനായില്ല. മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി.
