കണ്ണൂർ: വനിതാ പൊലീസ് ഉദ്യോഗസ്ഥയെ ഭർത്താവ് വെട്ടിക്കൊലപ്പെടുത്തി. കരിവെള്ളൂർ പലിയേരി സ്വദേശി ദിവ്യശ്രീ ആണ് കൊല്ലപ്പെട്ടത്.
കാസര്‍കോട് ചന്തേര പൊലീസ് സ്റ്റേഷനിലെ സി പി ഒയാണ് കൊല്ലപ്പെട്ട ദിവ്യശ്രീ. തടയാനെത്തിയ ദിവ്യശ്രീയുടെ അച്ഛനെയും ഭർത്താവ് രാജേഷ് വെട്ടി പരിക്കേല്‍പ്പിച്ചു.
ദിവ്യശ്രീയുടെ അച്ഛൻ വാസുവിന് വയറിനും കൈക്കുമാണ് വെട്ടേറ്റത്. ഇയാളെ പരിയാരം മെഡിക്കൽ കോളേജിൽ പ്രവേശിപ്പിച്ചു.
ദിവ്യശ്രീയും ഭർത്താവും കുറച്ച് നാളുകളായി അകന്നാണ് കഴിയിഞ്ഞിരുന്നത്. ഇന്ന് വൈകുന്നേരം 6 മണിയോടെ ദിവ്യശ്രീയുടെ വീട്ടിൽ എത്തിയ രാജേഷ് ആക്രമണം നടത്തുകയായിരുന്നു.
