പ്രവാസി മലയാളി ഒമാനിൽ മരിച്ച നിലയില്
മസ്കറ്റ്: പ്രവാസി മലയാളിയെ ഒമാനിൽ മരിച്ച നിലയില് കണ്ടെത്തി. സലാലയിൽ ആണ് സംഭവം. തൃശൂർ വടാനപ്പള്ളി സ്വദേശിയെയാണ് മരിച്ച നിലയിൽ കണ്ടെത്തിയത്.
തൃത്തല്ലൂർ സ്വദേശിയായ സുമേഷ് (37)ആണ് മരിച്ചത്. ഗർബിയയിൽ ജോലി ചെയ്യുന്ന ഫുഡ് സറ്റഫ് കടയുടെ സ്റ്റോറിലാണ് സുമേഷിനെ മരിച്ച നിലയിൽ കണ്ടത്.
റോയൽ ഒമാൻ പൊലീസ് സ്ഥലത്തെത്തി മേൽ നടപടികൾ സ്വീകരിച്ചു. ആറ് വർഷത്തോളമായി സലാലയിൽ ജോലി ചെയ്ത് വരികയാണ് സുമേഷ്. അവിവാഹിതനാണ്.
കല്ലിടിഞ്ഞ് വീണ് 2 പേർക്ക് ദാരുണാന്ത്യം
പത്തനംതിട്ട: പാറമടയിൽ കല്ലിടിഞ്ഞ് വീണുണ്ടായ അപകടത്തിൽ 2 തൊഴിലാളികൾ മരിച്ചു. പത്തനംതിട്ട കോന്നി പയ്യനാമണ്ണിൽ ഉച്ചക്ക് മൂന്നരയോടെയാണ് അപകടമുണ്ടായത്.
ഇവിടെ പ്രവർത്തിക്കുകയായിരുന്ന പാറപ്പൊട്ടിക്കുന്ന യന്ത്രത്തിന് മുകളിലേക്ക് കൂറ്റൻ പാറക്കെട്ടുകൾ പൊട്ടി വീഴുകയായിരുന്നു. ഒഡിഷ സ്വദേശി മഹാദേവ് പ്രധാൻ (51), ബിഹാർ സ്വദേശി അജയ് കുമാർ റെ (38) എന്നിവരാണ് മരിച്ചത്.
പാറമടയ്ക്കുള്ളിൽ നടന്ന അപകടമായതിനാൽ വിവരം പുറത്തറിയാൻ ഏറെ വൈകിയിരുന്നു. അപകടമറിഞ്ഞ് കളക്ടർ സംഭവസ്ഥലത്തേക്ക് പുറപ്പെട്ടിട്ടുണ്ട്.
നീര്നായയുടെ കടിയേറ്റ വീട്ടമ്മ മരിച്ചു
കോട്ടയം: തുണി കഴുകുന്നതിനിടെ നീര്നായയുടെ കടിയേറ്റു ചികിത്സ തേടിയ വീട്ടമ്മ മരിച്ചു. വേളൂര് പാണംപടി കലയംകേരില് ഇബ്രാഹിംകുട്ടിയുടെ ഭാര്യ നിസാനി (53) ആണു മരിച്ചത്.
ആശുപതിയിൽ നിന്ന് ചികിത്സയ്ക്ക് ശേഷം വീട്ടിലേക്ക് മടങ്ങിയ നിസാനി ദേഹാസ്വാസ്ഥ്യത്തെത്തുടര്ന്നു കുഴഞ്ഞുവീണു മരിക്കുകയായിരുന്നു.
ഇന്നലെ രാവിലെ 10.30നു ആണ് നിസാനിയെ നീർനായ കടിച്ചത്. പാണംപടി പള്ളിക്കു സമീപം മീനച്ചിലാറ്റില് തുണി കഴുകുന്നതിനിടെ നീര്നായ ആക്രമിക്കുകയായിരുന്നു.
തുടര്ന്നു ജനറല് ആശുപത്രിയില് പ്രാഥമിക ചികിത്സ തേടിയ ശേഷം വീട്ടിലേക്കു മടങ്ങി.
എന്നാൽ വൈകീട്ടു കുഴഞ്ഞുവീണ നിസാനിയെ ബന്ധുക്കള് മെഡിക്കല് കോളജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
അതേ സമയം ഹൃദയാഘാതമാകാം നിസാനിയുടെ മരണകാരണമെന്നാണു പ്രാഥമിക നിഗമനം. പോസ്റ്റ്മോര്ട്ടം റിപ്പോര്ട്ട് ലഭിച്ചാല് മാത്രമേ കൂടുതല് വ്യക്തത ലഭിക്കുകയുളളൂവെന്നു അധികൃതർ അറിയിച്ചു.
2 മാസം പ്രായമുള്ള കുഞ്ഞിന് ദാരുണാന്ത്യം
കോഴിക്കോട്: സുന്നത്ത് കർമം ചെയ്യുന്നതിനായി അനസ്തേഷ്യ നൽകുന്നതിനിടെ രണ്ട് മാസം പ്രായമുള്ള കുഞ്ഞ് മരിച്ചു. കോഴിക്കോട് കാക്കൂരിലെ സ്വകാര്യ ക്ലിനിക്കിൽ വെച്ചാണ് സംഭവം.
ചേളന്നൂര് പള്ളിപ്പൊയില് മുതുവാട് സ്കൂളിനു സമീപം താമസിക്കുന്ന പൂവനത്ത് ഷാദിയ, ഫറോക്ക് സ്വദേശി ഇംത്യാസ് എന്നീ ദമ്പതികളുടെ രണ്ടുമാസം പ്രായമുള്ള മകൻ എമിൽ ആദം ആണ് മരിച്ചത്.
ഞായറാഴ്ച രാവിലെയാണ് കുട്ടിയെ സുന്നത്തിനായി കുടുംബം കാക്കൂരിലെ സ്വകാര്യ ക്ലിനിക്കിൽ എത്തിച്ചത്. ശസ്ത്രക്രിയക്ക് മുമ്പായി പ്രാഥമികമായി കുട്ടിക്ക് അനസ്തേഷ്യ നൽകുകയായിരുന്നു.
എന്നാൽ ചികിത്സയോട് കുട്ടി പ്രതികരിക്കാത്തതിനെത്തുടർന്ന് കൂടുതൽ സൗകര്യങ്ങളുള്ള ആശുപത്രിയിൽ എത്തിക്കാൻ ഡോക്ടർ നിർദേശിക്കുകയായിരുന്നുവെന്നാണ് വിവരം.
പക്ഷേ ഉടൻ തന്നെ കുടുംബം കോഴിക്കോട്ടെ സ്വകാര്യ ആശുപത്രിയിൽ കുട്ടിയെ എത്തിച്ചെങ്കിലും ചികിത്സയിലിരിക്കെ കുട്ടി മരിക്കുകയായിരുന്നു.
സംഭവത്തിൽ വീട്ടുകാരുടെ പരാതിയിൽ കാക്കൂർ പോലീസ് അസ്വഭാവിക മരണത്തിന് കേസെടുത്തു അന്വേഷണം ആരംഭിച്ചു.
Summary: A Pravasi Malayali found dead in Oman. The incident took place in Salalah. The deceased was Sumesh (37), a native of Trithallur, Vadanapally, Thrissur.
