ഇടുക്കി തങ്കമണിയില്‍ വ്യാജമദ്യം നിര്‍മിച്ച് വില്‍പ്പന നടത്തിയാളെ എക്‌സൈസ് സംഘം പിടികൂടി. കൂത്താട്ടുകുളം കൊച്ചുകുന്നേല്‍ ജോണ്‍ വര്‍ഗീസാണ് അറസ്റ്റിലായത്. ഇയാളുടെ പക്കല്‍ നിന്ന് 20ലിറ്റര്‍ വ്യാജമദ്യവും 100 ലിറ്റര്‍ കോടയും പിടിച്ചെടുത്തു. തങ്കമണി മാടപ്രാ മേഖല കേന്ദ്രീകരിച്ച് വ്യാജ മദ്യ നിര്‍മാണവും വില്‍പ്പനയും നടക്കുന്നുണ്ടെന്ന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് പ്രതിയെ പിടികൂടിയത്.
ഇയാള്‍ പാട്ടത്തിനെടുത്ത രണ്ടര ഏക്കറിലെ കൃഷിയുടെ മറവിലാണ് ഇത് നിര്‍മിച്ചിരുന്നത്. മാസങ്ങളായി ജോണ്‍ വര്‍ഗീസിനെ എക്‌സൈസ് നിരീക്ഷിച്ച് വരികയായിരുന്നു. തുടര്‍ന്ന് വ്യാഴാഴ്ച രാത്രിയില്‍ നടത്തിയ മിന്നല്‍ പരിശോധനയിലാണ് അറസറ്റ്. വര്‍ഗീസിന്റെ മൊഴിയുടെ അടിസ്ഥാനത്തില്‍ ഇയാളില്‍ നിന്ന് സ്ഥിരമായി ചാരായം വാങ്ങിയിരുന്ന തോപ്രാംകുടി കൂനാനിയില്‍ ജിനോ ജോര്‍ജിന്റെ കാരിക്കവല റോഡിലെ ഹോളോബ്രിക്‌സ് നിര്‍മാണശാലയില്‍ നിന്നും അര ലിറ്റര്‍ ചാരായം പിടിച്ചെടുത്തു.
- Gentle Skin and Hair Cleansing: Ideal for newborns and infants, Equalstwo baby wash for bath is a herbal blend that rema…
- Cleansing Blend: Crafted with Cococin, Sapindin, and Saberry, Equalstwo baby body wash and shampoo thoroughly cleanse sk…
- Enzymatically Activated Oils: The blend of Linseed, Borage, and Almond oils in this top to toe wash for baby moisturises…
ജിനോയ്ക്കായി അേന്വേഷണം ഊര്‍ജ്ജിതമാക്കി. കോടതിയില്‍ ഹാജരാക്കിയ ജോണ്‍ വര്‍ഗീസിനെ റിമാന്‍ഡ് ചെയ്തു. എക്‌സൈസ് ഇന്‍സ്‌പെക്ടര്‍ സുരേഷ് പി കെ, സിവില്‍ എക്‌സൈസ് ഓഫീസര്‍മാരായ ജിനു ജോ മാത്യു, രാഹുല്‍ ഇ. ആര്‍, പ്രിവന്റീവ് ഓഫീസര്‍ ജയ്‌സണ്‍ എ ഡി , അസിസ്റ്റന്റ് എക്‌സൈസ് ഇന്‍സ്‌പെക്ടര്‍ സജിമോന്‍ കെ.ഡി, ഡ്രൈവര്‍ പി.സി. റെജി എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
മംഗളാദേവി ചിത്രാ പൗര്‍ണമി ഉത്സവം: മുന്നൊരുക്കങ്ങൾ കാണാം:
മെയ് 12 ന് നടക്കുന്ന മംഗളാദേവി ചിത്രാപൗര്‍ണമി ഉത്സവം സുഗമവും സുരക്ഷിതവുമായി നടത്തുന്നതിന്ഇടുക്കി-തേനി ജില്ലാ ഭരണകൂടങ്ങളുടെ നേതൃത്വത്തില്‍ അന്തര്‍ സംസ്ഥാനയോഗം പെരിയാര്‍ ടൈഗര്‍ റിസര്‍വ് ഈസ്റ്റ് ഡിവിഷന്‍ ഓഫീസ് കോമ്പൗണ്ടിലെ കുമളി രാജീവ് ഗാന്ധി ഓഡിറ്റോറിയത്തില്‍ ചേര്‍ന്നു.
പെരിയാര്‍ കടുവ സങ്കേതത്തിനുള്ളില്‍ സ്ഥിതിചെയ്യുന്ന ക്ഷേത്രത്തില്‍ ഉത്സവത്തിന് എത്തുന്ന ഭക്തര്‍ക്കായി വിവിധ വകുപ്പുകള്‍ ഏര്‍പ്പെടുത്തുന്ന സജ്ജീകരണങ്ങള്‍ ഇടുക്കി ജില്ലാ കളക്ടര്‍ വി. വിഗ്‌നേശ്വരിയുടെയും തേനി ജില്ലാ കളക്ടര്‍ രഞ്ജിത്ത് സിംഗിന്റെയും നേതൃത്വത്തില്‍ ചേര്‍ന്ന ഇരു സംസ്ഥാനങ്ങളിലെയും വിവിധ വകുപ്പ് തലവന്‍മാരുടെ അവലോകന യോഗത്തില്‍ വിലയിരുത്തി.
പരിസ്ഥിതി സൗഹൃദമായി ഭക്തരുടെ സുരക്ഷയ്ക്കും വനത്തിന്റെയും ക്ഷേത്രത്തിന്റെയും പരിപാവനതയുടെ സംരക്ഷണത്തിനും മുന്‍തൂക്കം നല്‍കി നിയന്ത്രണങ്ങള്‍ക്ക് വിധേയമായി, ബുദ്ധിമുട്ടില്ലാതെ ഭക്തര്‍ക്ക് ക്ഷേത്രദര്‍ശനത്തിനുള്ള എല്ലാ സംവിധാനങ്ങളും ഒരുക്കുമെന്ന് അധികൃതര്‍ അറിയിച്ചു.
