ഒറ്റ ലേലത്തിലൂടെ 2017 -ല് നാൻസി ലീ കാൾസണ് ലഭിച്ചത് 15 കോടി രൂപ. അതും വെറും 83,000 രൂപ ചെലവാക്കി വാങ്ങിയ സാധനത്തിന്. ഒരിക്കല് നീല് ആംസ്ട്രോംങ്ങിനൊപ്പം ചന്ദ്രനില് വരെ പോയ വസ്തുവാണ് ലേലത്തിൽ പോയത്. നീല് ആംസ്ട്രോങ്ങിന്റെ ബാഗ് ആയിരുന്നു അത്.
അപ്പോളോ 11 ബഹിരാകാശ ദൗത്യത്തിന്റെ 48-ാം വാർഷിക ദിനത്തില് ന്യൂയോർക്ക് സിറ്റിയിലെ ബഹിരാകാശ പര്യവേക്ഷണ കേന്ദ്രത്തിലായിരുന്നു ലേലം നടന്നത്. ലേലത്തിൽ 12-8.5 സെന്റീമീറ്റർ മാത്രം നീളമുള്ള ആ ബാഗിന് 1.8 മില്യണ് ഡോളറായിരുന്നു (15 കോടി രൂപ) ലഭിച്ചത്. “മനുഷ്യരാശിയുടെ ഏറ്റവും വലിയ നേട്ടത്തിന്റെ അസാധാരണവും അപൂർവ്വമായ ഒരു കലാസൃഷ്ടി” എന്നാണ് ലേല സ്ഥാപനം ഈ ബാഗിനെ വിശേഷിപ്പിച്ചത്. എന്നാൽ ബാഗ് വാങ്ങിയ ആള് അജ്ഞാതനായി തുടരുന്നു.
പിന്നീട് 2017 ല് നാന്സി ഈ ബാഗ് ലേലത്തില് വയ്ക്കാന് തീരുമാനിക്കുകയായിരുന്നു. ലോകചരിത്രത്തിന്റെ തന്നെ ഭാഗമായി ബാഗിന് വിദഗ്ദര് രണ്ട് മില്യൺ ഡോളര് അതായത് 16 കോടി രൂപ ലഭിക്കുമെന്ന് കണക്ക് കൂട്ടി. അത് ലഭിക്കുകയും ചെയ്തു. ചന്ദ്രന്റെ ഉപരിതലത്തില് നിന്നും എക്സോജിയോളജിക്കൽ സാമ്പിളുകൾ ശേഖരിക്കാൻ നീല് ആംസ്ട്രോങ്ങ് ഉപയോഗിച്ച ബാഗായിരുന്നു അത്.
