മുംബൈ: വളർത്തുനായക്ക് ജന്മദിന സമ്മാനം നൽകിയ യുവതിയാണ് ഇപ്പോൾ വാർത്തകളിൽ നിറയുന്നത്. സരിത സൽദാൻഹ എന്ന മുംബൈ സ്വദേശിനി വളർത്തുനായയുടെ പിറന്നാൾ ദിനത്തിൽ സമ്മാനമായി നൽകിയത് ഒരു സ്വർണമാലയാണ്.A gold necklace was given as a present on the pet dog’s birthday
ചെറിയ മാലയൊന്നുമല്ല. രണ്ടര ലക്ഷം രൂപ വിലവരുന്ന സ്വർണമാലയാണ് തന്റെ പ്രിയപ്പെട്ട വളർത്തുനായ ‘ടൈഗറി’ന്റെ കഴുത്തിൽ സരിത അണിയിച്ചത്.
ചേമ്പൂരിലെ ജ്വല്ലറിയിൽ നിന്നും സരിത സ്വർണ മാല വാങ്ങുമ്പോൾ പുറത്ത് കാത്തുനിൽക്കുന്ന ടൈഗറിന്റെ വീഡിയോ സോഷ്യൽ മീഡിയയിൽ വൈറലായി മാറിയിരിക്കുകയാണ്.
സൂര്യപ്രകാശത്തിൽ തിളങ്ങുന്ന വിധം പ്രത്യേകം രൂപകൽപന ചെയ്തതാണ് മാല. ടൈഗറിന്റെ കഴുത്തിൽ മാല അണിയിക്കുമ്പോൾ അവൻ ആവേശത്തിൽ വാലാട്ടുന്ന ദൃശ്യങ്ങൾ ജ്വല്ലറി അധികൃതരാണ് ഇൻസ്റ്റഗ്രാമിൽ പങ്കുവച്ചിരിക്കുന്നത്.
എന്നാൽ ആളുകൾ യുവതിയുടെ അതിരുകടന്ന മൃഗസ്നേഹത്തെ വിമർശിച്ചും അഭിനന്ദിച്ചും രംഗത്തുവന്നു. പലരും വീഡിയോ വളരെ ‘ക്യൂട്ട്’ ആണെന്ന് പറയുമ്പോൾ ഇതല്പം കൂടിപ്പോയില്ലേ എന്നാണ് ചിലരുടെ ചോദ്യം. ടൈഗറിന് ജന്മദിനാശംസകൾ നേരാനും ആളുകൾ മറന്നില്ല.
