അബദ്ധത്തിൽ മുറിപൂട്ടി, മുറിക്കുള്ളിൽ കുടുങ്ങി ഒന്നേമുക്കാൽ വയസുകാരൻ. തിരുവനന്തപുരം ആമച്ചലിലാണ് മുറി പൂട്ടി കുടുങ്ങിയ കുഞ്ഞിനെ സാഹസികമായി രക്ഷപ്പെടുത്തിയത്. ഇന്നലെ വൈകിട്ടാണ് സംഭവം.
ആമച്ചൽ കാടുവെട്ടുവിളയിൽ നൂഹ്, സുനില ദമ്പതികളുടെ കുഞ്ഞാണ് വീട്ടിനുള്ളിലെ മുറിക്കുള്ളിൽ പെട്ടു പോയത്. കുഞ്ഞ് അബദ്ധത്തിൽ മുറി അകത്ത് നിന്നു പൂട്ടുകയായിരുന്നു. പലവട്ടം വീട്ടുകാർ തുറക്കാൻ ആവശ്യപ്പെട്ടെങ്കിലും അതേ നടന്നില്ല.
പഠിച്ച പണി പതിനെട്ടും നോക്കിയിട്ടും നടക്കാതായതോടെ ജനാല കമ്പികൾ മുറിച്ചുമാറ്റുകയായിരുന്നു. അതിനുള്ളിലൂടെ ചേച്ചിയെ അകത്തിറക്കി. പൂട്ടു തുറക്കുകയായിരുന്നു. പേടിച്ച കുട്ടിക്കുറുമ്പ് അമ്മയുടെ ചാരത്തേക്ക് ഓടിയടുത്തു.
