=രാജാവിനും രാജ്ഞിക്കും ആൺകുഞ്ഞു പിറന്നതോടെ ജനസംഖ്യ 136 ആയി ഉയർന്നിരിക്കുകയാണ്ആൻഡമാനിലെ ഓംഗെ ഗോത്ര വർഗ്ഗക്കാരുടെയിടയിൽ. ഓംഗെ ഗോത്ര രാജാവായ ടോട്ടോക്കോയ്ക്കും രാജ്ഞി പ്രിയയ്ക്കും കഴിഞ്ഞ ദിവസം ഒരു ആൺകുഞ്ഞ് ജനിച്ചു. ടോട്ടോക്കോയുടെ എട്ടാമത്തെ കുഞ്ഞാണിത് എന്നും ട്രൈബൽ വെൽഫെയർ ഡിപാർട്മെന്റിൽ നിന്നുള്ള ഒരു ഉദ്യോഗസ്ഥൻ പറഞ്ഞു. കുഞ്ഞു പിറന്നതോടെയാണ് ഇവിടുത്തെ മൊത്തം ജനസംഖ്യ 136 ആയി ഉയർന്നത്. തിങ്കളാഴ്ചയാണ് ഇവിടെയുള്ള ജിബി പാന്ത് ഹോസ്പിറ്റലിൽ വച്ച് രാജ്ഞി കുഞ്ഞിന് ജന്മം നൽകിയത്. വൈകുന്നേരം 5.55 -നാണ് നോർമൽ ഡെലിവറിയിലൂടെ കുഞ്ഞിന് ജന്മം നൽകിയത്. കുഞ്ഞിന് 2.5 കിലോഗ്രാം തൂക്കമുണ്ട്.
പരമ്പരാഗതമായി അർദ്ധ നാടോടികളാണ് ഓംഗെ സമൂഹം. വേട്ടയാടലിലൂടെയാണ് ഇവർ ഭക്ഷണം കണ്ടെത്തിയിരുന്നത്. എന്നാൽ, അവര്ക്ക് ഇപ്പോൾ പ്രാദേശിക ഭരണകൂടത്തിൽ നിന്ന് റേഷനും വസ്ത്രങ്ങളും ലഭിക്കുന്നുണ്ട്. നേരത്തെ ഇവർ വസ്ത്രങ്ങൾ ധരിച്ച് ശീലിച്ചിരുന്നില്ലെങ്കിലും ഇപ്പോൾ അവർ വസ്ത്രം ധരിക്കുന്ന രീതികളും പിന്തുടരുന്നുണ്ട്. കുഞ്ഞിൻ്റെ ജനനം ഓംഗെ സമൂഹമാകെ ആഹ്ലാദത്തോടെയാണ് ഇവർ വരവേറ്റിരിക്കുന്നത്. കേന്ദ്ര ഗോത്രവർഗ മന്ത്രി അർജുൻ മുണ്ട ഈ വാർത്തയിൽ തന്റെ സന്തോഷം പ്രകടിപ്പിച്ചു, “ആൻഡമാൻ നിക്കോബാർ ദ്വീപുകളിൽ ഓംഗെ ഗോത്രത്തിലേക്ക് ഒരു പുതിയ അംഗമെത്തിയിരിക്കുന്നു. ആ വരവ് അറിയിക്കുന്നതിൽ അതിയായ സന്തോഷമുണ്ട്” മന്ത്രി പറഞ്ഞു.
Read also: ആകാശത്തെ അജ്ഞാത പേടകങ്ങൾ; വിശദമായി പഠിക്കാൻ സംഘത്തെ നിയോഗിച്ച് ജപ്പാൻ
