സൗത്ത് ലണ്ടനിൽ ഒരു സ്ത്രീ കുത്തേറ്റു മരിച്ചതിനെ തുടർന്ന് പോലിസ് കൊലപാതകത്തിന് പിന്നിലുള്ളവരെക്കുറിച്ച്അന്വേഷണം ആരംഭിച്ചു. ശനിയാഴ്ച രാവിലെ പ്രാദേശിക സമയം
9.07 ന് ക്രോയ്‌ഡണിലെ ഫ്രിത്ത് റോഡിലേക്ക് ഉദ്യോഗസ്ഥർക്ക് സഹായം അഭ്യർഥിച്ച് വിളി വന്നതായി മെട്രോപൊളിറ്റൻ പോലീസ് പറഞ്ഞു.
പരിക്കേറ്റ രണ്ട് പേരെ ലണ്ടൻ ആംബുലൻസ് സർവീസും ലണ്ടനിലെ എയർ ആംബുലൻസും ചേർന്ന് പ്രഥമ ശുശ്രൂശ നൽകി. പരിക്കേറ്റ യുവതിയെ സഹായിക്കാൻ ഒരു കൗമാരക്കാരൻ ശ്രമിച്ചിട്ടും 20 വയസ്സുള്ള ആ സ്ത്രീ സംഭവസ്ഥലത്ത് തന്നെ മരിച്ചു.
സംഭവത്തിൽ 30 വയസ്സ് പ്രായമുള്ള ഒരാളെ നിസാര പരിക്കുകളോടെ ആശുപത്രിയിൽ പ്രവേശിപ്പിച്ചു. ഇയാളെ കൊലപാതകക്കുറ്റം ചുമത്തി അറസ്റ്റ് ചെയ്തു. പ്രതി ഇപ്പോഴും ആശുപത്രിയിൽ തന്നെയാണെന്ന് സ്കോട്ട്ലൻഡ് യാർഡ് പറയുന്നു.
പ്രാഥമിക അന്വേഷണങ്ങൾ സൂചിപ്പിക്കുന്നത് അടുത്തുള്ള ഏരിയയിൽ നിന്നുണ്ടായ തർക്കം റോഡിൽ കത്തിക്കുത്തിൽ കലാശിക്കുകയായിരുന്നു എന്നാണ്. “ഇരയെ സഹായിക്കാൻ ധൈര്യത്തോടെ ശ്രമിച്ച ഒരു കൗമാരക്കാരൻ ഉൾപ്പെടെയുള്ള പൊതുജനങ്ങൾക്ക് ഞാൻ പ്രത്യേകമായി നന്ദി പറയുന്നു എന്ന് പോലീസ് സൂപ്രണ്ട് പറഞ്ഞു.
