തിരുവനന്തപുരം: സംസ്ഥാനത്ത് എസ്എസ്എല്സി, രണ്ടാ വര്ഷ ഹയര്സെക്കന്ററി പരീക്ഷകള്ക്ക് ഇന്ന് തുടക്കമാകും. 4,27,021 കുട്ടികളാണ് ഇത്തവണ എസ്എസ്എല്സി പരീക്ഷ എഴുതുന്നത്. രാവിലെ എസ്എസ്എല്സി പരീക്ഷയും ഉച്ചയ്ക്ക് ശേഷം ഹയര്സെക്കന്ററി പരീക്ഷയും നടക്കും.
ആകെ 2,980 കേന്ദ്രങ്ങളിലായാണ് കുട്ടികള് എസ്എസ്എല്സി പരീക്ഷയെഴുതുന്നത്. കേരളത്തിന് പുറത്ത് ലക്ഷദ്വീപില് 9 കേന്ദ്രങ്ങളും ഗള്ഫില് ഏഴ് കേന്ദ്രങ്ങളും ആണ് ഒരുക്കിയിരിക്കുന്നത്.
ഇത്തവണ ഗള്ഫ് മേഖലയില് 682 കുട്ടികളും, ലക്ഷദ്വീപ് മേഖലയില് 447 കുട്ടികളും ആണ്പരീക്ഷ എഴുതുന്നത്. പതിവുപോലെ മലപ്പുറം വിദ്യാഭ്യാസ ജില്ലയിലാണ് ഏറ്റവും കൂടുതല് കുട്ടികള് പരീക്ഷ എഴുതുന്നത്- 28,358. ഏറ്റവും കുറവ് കുട്ടികള് കുട്ടനാട് വിദ്യാഭ്യാസ ജില്ലയിലാണ്-1,893.
രാവിലെ 9.30 തിനാണ് എസ്എസ്എല്സി പരീക്ഷ. 1.30 തിനാണ് രണ്ടാം വര്ഷ ഹയര്സെക്കന്ററി പരീക്ഷ. എസ്എസ്എല്സി, പ്ലസ് ടു പരീക്ഷകള് ഈ മാസം26ന് അവസാനിക്കും. 444693 വിദ്യാര്ത്ഥികള് പ്ലസ്ടു പരീക്ഷയ്ക്കിരിക്കും. ആറാം തീയതി ഒന്നാം വര്ഷ പരീക്ഷകള് തുടങ്ങും. 29ന് അവസാനിക്കും.
ഏപ്രില് മൂന്നിന് കേന്ദ്രീകൃത മൂല്യനിര്ണ്ണയ ക്യാമ്പുകളിലായി എസ്എസ്എല്സി, ഹയര്സെക്കന്ററി മൂല്യനിര്ണയം തുടങ്ങാനാണ് തീരുമാനം. സുഗമമമായ പരീക്ഷ നടത്തിപ്പിനും, ചോദ്യപേപ്പറുകളും, ഉത്തരക്കടലാസുകളും സുരക്ഷിതമായി സൂക്ഷിക്കുന്നതിനും സംവിധാനം ഒരുക്കിയിട്ടുണ്ടെന്ന് വിദ്യാഭ്യാസ വകുപ്പ് പറയുന്നു. കൊടുംചൂടില് തളരാതിരിക്കാന് കുടിവെള്ളം എല്ലാ പരീക്ഷാഹാളിലുമുണ്ടാകും.
