തൃശൂര്: ഭര്ത്താവ് വെട്ടിപ്പരുക്കേല്പിച്ച ഭാര്യ മരിച്ചു. മാള അഷ്ടമിച്ചിറ സ്വദേശി വി വി ശ്രീഷ്മ മോള്(39) ആണ് മരിച്ചത്. കുടുംബ വഴക്കിനെത്തുടര്ന്ന് കഴിഞ്ഞ മാസം 29ന് രാത്രിയായിരുന്നു ആക്രമണം നടന്നത്.
ആക്രമണത്തിൽ ഗുരുതര പരുക്കുകളോടെ ചികിത്സയിലിരിക്കെയാണ് മരണം സംഭവിച്ചത്. ശ്രീഷ്മ സ്വകാര്യ സൂപ്പര് മാര്ക്കറ്റില് പാക്കിങ് ജോലിയായിരുന്നു. ഭര്ത്താവ് വാസന് സ്ഥിരമായി ജോലിക്ക് പോകുന്നില്ല. ഭാര്യ വായ്പയെടുത്ത് സ്മാര്ട് ഫോണ് വാങ്ങിയിരുന്നു. ഇതിനെ ചൊല്ലിയുണ്ടായ തർക്കത്തിന് പിന്നാലെ ശ്രീഷ്മയെ വെട്ടിപ്പരിക്കേല്പിക്കുകയായിരുന്നു.
പ്രതി കൈകാലുകള് വെട്ടുകത്തികൊണ്ട് വെട്ടിപ്പരിക്കേല്പ്പിച്ചിരുന്നു. തുടര്ന്ന് ഗുരുതര പരിക്കുകളോടെ ശ്രീഷ്മയെ മാളയിലെ ആശുപത്രിയില് പ്രവേശിപ്പിക്കുകയായിരുന്നു. എന്നാൽ പിന്നീട് കൊച്ചിയിലെ സ്വകാര്യ ആശുപത്രിയിലേയ്ക്ക് മാറ്റുകയായിരുന്നു. തുടർന്ന് ഇന്ന് പുലര്ച്ചെ മൂന്നിനാണ് മരണം സംഭവിച്ചത്.
