സ്കോട്‌ലൻഡിൽ പുഴയിൽ വീണു മരിച്ച വിദ്യാർത്ഥിനിയ്ക്ക് വിട നൽകി നാട്

2024 ഡിസംബർ ആറാം തീയതിയാണ് സംഭവം

പെരുമ്പാവൂർ: സ്കോട്‌ലൻഡിൽ പുഴയിൽ വീണു മരിച്ച വിദ്യാർഥിനിയുടെ മൃതദേഹം സംസ്കരിച്ചു. ചെറുകുന്നം കുഴിയിൽപീടികയിൽ (സജി വില്ല) സാജു കെ. ജോണിന്റേയും ചീനിക്കുഴി കണ്ടനാട് കുടുംബാംഗം ആൻസിയുടേയും ഏകമകൾ സാന്ദ്ര എലിസബത്ത് സാജു (22) ആണ് മരിച്ചത്.ഇടവക ദേവാലയ സെമിത്തേരിയിലാണ് സംസ്‍കാര ചടങ്ങുകൾ നടന്നത്. (Funeral of student who drowned in river at Scotland)

2024 ഡിസംബർ ആറാം തീയതിയാണ് സംഭവം. കാക്കനാട് രാജഗിരി കോളേജിൽ ഫിസിയോളജിയിൽ ഡിഗ്രി പഠനം പൂർത്തിയാക്കിയ എഡിൻബറയിൽ ഉന്നത പഠനം നടത്തുകയായിരുന്നു സാന്ദ്ര. ഹോസ്റ്റലിന് എതിർവശത്തുള്ള പാർക്കിന് സമീപമുള്ള പുഴയിൽ അബദ്ധത്തിൽ കാൽവഴുതി വീണാണ് അപകടമുണ്ടായത്.