കല്പ്പറ്റ:പഞ്ചാരക്കൊല്ലി , മേലേചിറക്കര, പിലാക്കാവ് മൂന്നു റോഡ് ഭാഗം, മണിയംകുന്ന് ഭാഗങ്ങളിൽ നിയന്ത്രണം.
നരഭോജി കടുവയുടെ സാന്നിധ്യമുള്ള ഈ പ്രദേശങ്ങളില് 48 മണിക്കൂര് കര്ഫ്യൂ പ്രഖ്യാപിച്ചു.
ഇന്നു രാവിലെ ആറുമണിമുതല് 48 മണിക്കൂര് സമയത്തേക്കാണ് കര്ഫ്യൂ പ്രഖ്യാപിച്ചിരിക്കുന്നത്.
കര്ഫ്യൂ ഏര്പ്പെടുത്തിയിരിക്കുന്ന സ്ഥലങ്ങളില് സഞ്ചാര വിലക്ക് ഏര്പ്പെടുത്തിയിട്ടുണ്ട്.
ജനങ്ങള് പുറത്തിറങ്ങരുതെന്നും കടകള് അടച്ചിടണമെന്നും നിര്ദേശം നല്കി. കടുവ സ്പെഷല് ഓപ്പറേഷന്റെ ഭാഗമായാണ് 4 ഇടങ്ങളിൽ നിയന്ത്രണം ഏര്പ്പെടുത്തിയിട്ടുള്ളത്.
മാനന്തവാടി നഗരസഭയിലെ പഞ്ചാരക്കൊല്ലി, പിലാക്കാവ്, ചിറക്കര, ഡിവിഷനിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചിട്ടുണ്ട്.
അങ്കണവാടി, മദ്രസ, ട്യൂഷന് സെന്ററുകള് തുടങ്ങിയവയും തുറക്കരത്. കര്ഫ്യൂ പ്രഖ്യാപിച്ച പ്രദേശങ്ങളില് നിന്നും മറ്റ് വിദ്യാഭ്യാസ സ്ഥാപനങ്ങളില് പോയി പഠിക്കുന്ന വിദ്യാര്ത്ഥികള് ഇന്നും നാളെയും സ്കൂളുകളില് ഹാജരാകേണ്ടതില്ല.
പിഎസ്സി പരീക്ഷ, വിദ്യാഭ്യാസ സ്ഥാപനങ്ങള് നടക്കുന്ന പരീക്ഷകള്ക്ക് അത്യാവശ്യമായി പോകണ്ടവര്ക്കായി വാഹന സൗകര്യം ഏര്പ്പെടുത്തിയിട്ടുണ്ട്.
ഇതിനായി കൗണ്സിലറുമായി ബന്ധപ്പെട്ട് ആവശ്യമായ ക്രമീകരണങ്ങള് ചെയ്യണമെന്നും അധികൃതര് അറിയിച്ചു.
