പാലക്കാട്: പനയമ്പാടത്ത് ലോറി മറിഞ്ഞുണ്ടായ അപകടത്തില് മരിച്ച നാലു വിദ്യാര്ത്ഥിനികളുടെയും മൃതദേഹം ഖബറടക്കി. കരിമ്പ തുപ്പനാട് ജുമാ മസ്ജിദിളാണ് ഖബറടക്കം നടത്തിയത്. നാലു പേരെയും ഒരൊറ്റ ഖബറിൽ നാല് അടിഖബറുകൾ ഒരുക്കിയാണ് യാത്രയയച്ചത്.(Palakkad accident; four students funeral)
പോസ്റ്റ്മോർട്ടം നടപടികൾക്ക് ശേഷം ഇന്ന് രാവിലെ ആറരയോടെ പാലക്കാട് ജില്ലാ ആശുപത്രിയിൽ നിന്നും നാലുപേരുടെയും മൃതദേഹം വീടുകളിൽ എത്തിച്ചു. തുടർന്ന് ബന്ധുക്കൾ അന്തിമോപചാരം അർപ്പിച്ചതിന് ശേഷം നാലുപേരുടെയും മൃതദേഹങ്ങൾ കരിമ്പിനൽ ഹാളിൽ പൊതുദർശനത്തിന് വെച്ചു. ഇവിടെ ആയിരത്തോളം ആളുകളാണ് അന്തിമോപചാരം അർപ്പിക്കാനായി എത്തിയത്.
മന്ത്രിമാരായ എം ബി രാജേഷ്, കെ കൃഷ്ണന്കുട്ടി, മുസ്ലിം ലീഗ് നേതാക്കളായ പാണക്കാട് സാദിഖലി ശിഹാബ് തങ്ങള്, പി കെ കുഞ്ഞാലിക്കുട്ടി, എംഎല്എമാരായ കെ ശാന്തകുമാരി, രാഹുല് മാങ്കൂട്ടത്തില്, പാലക്കാട് ജില്ലാ കളക്ടര് ഡോ. എസ് ചിത്ര അടക്കമുള്ളവര് അന്തിമോപചാരം അര്പ്പിച്ചു.
