പാലക്കാട്‌: ബിജെപിയുമായി പിരിഞ്ഞ് കോൺഗ്രസിലേക്ക് ചേക്കേറിയ സന്ദീപ് വാര്യർക്ക് വൻ വരവേൽപ്പ് നൽകി പാലക്കാട്ടേ കോൺഗ്രസ്‌ പ്രവർത്തകർ. യുഡിഎഫ് സ്ഥാനാർഥി രാഹുൽ മാങ്കൂട്ടത്തിലിന്റെ റോഡ് ഷോയിൽ പങ്കെടുത്ത സന്ദീപിനെ അഭിവാദ്യം ചെയ്യാനും ഫോട്ടോ എടുക്കാനുമായി പ്രവർത്തകരുടെ വൻ തിരക്കാണ് അനുഭവപ്പെട്ടത്. രാഹുല്‍ മാങ്കൂട്ടത്തിനൊപ്പം തുറന്ന വാഹനത്തില്‍ റോഡ് ഷോയുടെ ആദ്യാവസാനം പ്രവര്‍ത്തകരെ അഭിവാദ്യം ചെയ്ത് സന്ദീപ് വാര്യരും പങ്കെടുത്തു.(Sandeep Warrier on UDF roadshow at palakkad)
റോഡ് ഷോയിലേക്ക് എത്തിയ സന്ദീപ് വാര്യരെ കോണ്‍ഗ്രസ് പ്രവര്‍ത്തകര്‍ തോളിലേറ്റിയാണ് സ്വീകരിച്ചത്. വരും ദിവസങ്ങളിലെ തെരഞ്ഞെടുപ്പ് പ്രചാരണത്തില്‍ മുഴുവന്‍ സമയവും സന്ദീപ് പങ്കെടുക്കും.
ഇന്ന് രാവിലെയാണ് സന്ദീപ് വാര്യര്‍ കോണ്‍ഗ്രസില്‍ ചേര്‍ന്നത്. കോണ്‍ഗ്രസ് നേതാക്കള്‍ ഉള്ള വേദിയില്‍വെച്ച് കെ സുധാകരന്‍ സന്ദീപ് വാര്യരെ ഷാള്‍ അണിയിച്ച് സ്വീകരിച്ചു. ബിജെപി വെറുപ്പ് മാത്രം ഉത്പാദിപ്പിക്കുന്ന ഫാക്ടറിയെന്നാണ് സന്ദീപ് വാര്യര്‍ ആഞ്ഞടിച്ചത്.
എറണാകുളത്തുകാർ ശ്രദ്ധിക്കുക, കുറുവ സംഘത്തിൽപ്പെട്ടയാൾ പൊലീസ് കസ്റ്റഡിയിൽ നിന്ന് ചാടിപ്പോയി; രക്ഷപ്പെട്ടത് കൈ വിലങ്ങോട് കൂടി പൂർണ നഗ്നനായി
