കോഴിക്കോട്: ഗര്ഭിണിയായ ഭാര്യയെ ആക്രമിച്ച കേസിലെ പ്രതിയെ പിടികൂടി പോലീസ്. നാദാപുരം കല്ലാച്ചിയില് ഭാര്യയെ ചിരവ കൊണ്ട് കുത്തിപ്പരിക്കേല്പിച്ച പ്രതിയാണ് പിടിയിലായത്. മുംബൈ വിമാനത്താവളത്തില് വെച്ചാണ് ഇയാളെ പിടികൂടിയത്.(Pregnant wife attacked in kozhikode; Accused arrested)
ചിയ്യൂര് താനമഠത്തില് ഫൈസലിനെയാണ് വിദേശത്തേക്ക് കടക്കാനുള്ള ശ്രമത്തിനിടെയാണ് പോലീസ് ഇയാളെ അറസ്റ്റ് ചെയ്തത്. തിങ്കളാഴ്ചയായിരുന്നു കേസിനാസ്പദമായ സംഭവം. ഭാര്യയും രണ്ട് മാസം ഗര്ഭിണിയുമായ നരിപ്പറ്റ കിണറുള്ള പറമ്പത്ത് ഷംനയെ(27)യാണ് ഭർത്താവ് വീട്ടിൽ വെച്ച് ചിരവ കൊണ്ട് കുത്തിയത്. ഇടത് വയറിലും കൈക്കും പരിക്കേറ്റ ഷംന ആശുപത്രിയില് ചികിത്സയിൽ തുടരുകയാണ്.
സ്വത്ത് സംബന്ധമായ തർക്കത്തെ തുടർന്നാണ് ആക്രമണം ഉണ്ടായത് എന്നാണ് വിവരം. സംഭവത്തിന് പിന്നാലെ ഇയാൾ ഒളിവിലായിരുന്നു. ഷംനയുടെ സഹോദരന്റെ മൊഴിയുടെ അടിസ്ഥാനത്തിൽ വധശ്രമം ഉൾപ്പെടെയുള്ള വകുപ്പുകൾ ചുമത്തിയാണ് കേസ് രജിസ്റ്റർ ചെയ്തിരിക്കുന്നത്.
